दुचाकीस्वारावर झाड कोसळलं, तब्बल दोन तासांनी सुटका

नाशिकः वकीलवाडीत मुख्य रस्त्यावर भलं मोठं झाड एका दुचाकीस्वारावर पडल्याची घटना घडली आहे. तब्बल एका तासांच्या शर्थीच्या प्रयत्नानंतर अग्निशमन विभागाला झाडाखाली अडकलेल्या युवकाला वाचवण्यात यश आलं आहे.     या दुर्घटनेत तीन जण जखमी झाले आहेत. दुचाकीस्वारावराचा पाय झाडाखाली तब्बल एक तास अडकून होता. स्थानिकांनी युवकाला वाचवण्याचा प्रयत्न केला, पण झाड मोठं असल्यानं अपयश येत होतं. मात्र अग्निशमन दलाच्या प्रयत्नानंतर युवकाला सुखरुप वाचवण्यात आलं आहे.     वकीलवाडी हा नाशिकमधील अतिशय वर्दळीचा परिसर आहे. या रस्त्यावर जुनी झाडंही मोठ्या प्रमाणात आहेत. पावसाने झाडं कमकुवत झाल्याने अशा दुर्घटना घडत आहेत. या दुर्घटनेत दुचाकीस्वाराला मोठी जखम झाली आहे.