नाशिकमध्ये गटाराची साफसफाई करताना स्वच्छता कर्मचाऱ्याचा मृत्यू, दोघांची प्रकृती बिघडली
अशोक रामपसे यांचा या घटनेत मृत्यू झाला आहे. तर बाळू खानझोडे आणि सोमनाथ चौधरी या दोघांना उपचारासाठी जिल्हा शासकीय रुग्णालयात दाखल करण्यात आलं आहे.
नाशिक : नाशिकच्या सीबीएस परिसरातील गटाराची साफसफाई करताना एका सफाई कर्मचाऱ्याचा मृत्यू झाल्याची घटना समोर आली आहे. तर दोन सफाई कामगारांची प्रकृती बिघडली आहे. शिवाजी स्टेडियमजवळील गटार साफ करताना ही घटना घडली आहे.
अशोक रामपसे यांचा या घटनेत मृत्यू झाला आहे. तर बाळू खानझोडे आणि सोमनाथ चौधरी या दोघांना उपचारासाठी जिल्हा शासकीय रुग्णालयात दाखल करण्यात आलं आहे.
पोलिसांनी दिलेल्या माहितीनुसार, शिवाजी स्टेडिअममध्ये यशवंत व्यायामशाळेच्या संरक्षण भिंतीलगत असलेल्या चेंबरच्या साफसफाईचं काम सुरु होतं. त्यासाठी चार कर्मचारी तेथे काम करत होते. त्यापैकी सकाळी 11 वाजेच्या सुमारास अशोक रामपसे हा कर्मचारी चेंबरमध्ये उतरला. मात्र गटारातील विषारी वायुमुळे त्याला त्रास होऊ लागला.
इतर कर्मचाऱ्यांनी रामपसे यांना वाचवण्याचा प्रयत्न केला. मात्र पुरेसा ऑक्सिजन न मिळाल्याने रामपसेचा गुदमरुन मृत्यू झाला. याप्रकरणी भद्रकाली पोलीस ठाण्यात गुन्हा दाखल करण्याचे काम सुरु असून पुढील तपास पोलीस करत आहेत.
Before You Go
Majha Sanman Award 2026 : नितीन गडकरी, आशा पारेख अन् जॅकी श्रॉफ; माझा सन्मानमध्ये उलगडले रंजक किस्से
महत्त्वाच्या बातम्या
