नाशिक शिवसेना जिल्हाप्रमुख सुहास कांदेंविरोधात फसवणुकीचा गुन्हा दाखल

पोलिसात दाखल होत असलेले गुन्हे खोटे असल्याचं सुहास कांदे यांनी म्हटलं आहे. जमीन फसवणूकप्रकरणामध्ये आपला कोणत्याही प्रकारचा प्रत्यक्ष सहभाग नाही. मानकर व जाजू यांच्यात मध्यस्थी न केल्याच्या वैमनस्यातून सदरचे खोटे आरोप करीत गुन्हा दाखल करण्यात आलेला आहे. या

नाशिक : नाशिकचे शिवसेना जिल्हाप्रमुख सुहास कांदे यांच्याविरोधात सरकारवाडा पोलीस ठाण्यात फसवणुकीचा गुन्हा दाखल झाला आहे. राहुल सुभाष जाजू यांच्य फिर्यादीनुसार, सुहास कांदे यांच्यासह अन्य दोघांवर फसवणुकाचा गुन्हा दाखल करण्यात आला आहे.

जाजू यांचा जमीन खरेदी-विक्रीचा व्यवसाय आहे. 2010 मध्ये संबंधितांनी वडाळा गटातील जमीन खरेदी करण्यासाठी जाजू यांना गळ घातल्याचा त्यांचा आरोप आहे. 50 गुंठे जागेचे बनावट कागदपत्रे बनवून हा व्यवहार करण्यात आला.

मात्र जाजू यांनी अधिक विचारणा केली असता, कांदे आणि त्यांच्या सहकाऱ्यांनी त्यांना माहिती देण्यास टाळाटाळ केली, असा आरोप जाजू यांनी केला. मात्र संशय आल्याने जाजू यांनी जागेच्या कागदपत्रांची शहानिशा केली असता, जागा 19 गुंठे असून त्याचे कागदपत्रेही बनावट असल्याचा आरोप जाजू यांनी केला आहे.

आरोप खोटे असल्याचा सुहास कांदेंचा दावा

पोलिसात दाखल होत असलेले गुन्हे खोटे असल्याचं सुहास कांदे यांनी म्हटलं आहे. जमीन फसवणूकप्रकरणामध्ये आपला कोणत्याही प्रकारचा प्रत्यक्ष सहभाग नाही. मानकर व जाजू यांच्यात मध्यस्थी न केल्याच्या वैमनस्यातून सदरचे खोटे आरोप करीत गुन्हा दाखल करण्यात आलेला आहे. यामागे आपली राजकीय कारकीर्द संपविण्याचा डाव असल्याचाही आरोप सुहास कांदे यांनी केला आहे. आकसापोटी आणि पोलीसही दबावाला बळी पडून गुन्हे दाखल करीत असल्याचे कांदे यांनी म्हटलं आहे.