नाशिक : हाताला सहा बोटं असणं काही गुन्हा नाही, कुणाला किती बोटं असावीत हे कुणाच्या हातातही नाही. चित्रपट अभिनेता हृतिक रोशनसह बऱ्याच जणांच्या हाताला सहा बोटं आहेत. मात्र याच सहा बोटांमुळे नाशिकमधला एक तरुण हवालदील झाला आहे.




कारण अनेक खेटे मारुनही त्याला आधार कार्ड मिळत नाही. गुरुदयाल त्रिखा असं या नाशिकच्या तरुणांचं नाव आहे. गुरुच्या डाव्या हाताच्या अंगठ्याला जोडबोट आहे. मात्र आधार कार्ड काढताना केवळ पाच बोटांचेच ठसे घेतले जातात.

सहावे बोट असल्यानं तांत्रिक अडचणी येत असल्याचे सांगत गुरुदयालला आधारकार्ड नाकारलं जात आहे. काही लोकांनी त्याला अंपगाच्या कोट्यातून आधारकार्ड काढण्याचा सल्ला दिला. मात्र, तो अंपग नसल्यानं या तरुणाला अपंगत्वाचंही प्रमाणपत्र मिळत नाही. त्यामुळे या तरुणाची अडचण झाली आहे.

VIDEO :