Uddhav Thackeray Nashik Visit Live Updates : उद्धव ठाकरे दोन दिवस नाशिक दौऱ्यावर; प्रत्येक अपडेट एका क्लिकवर...
Nashik : अयोध्येतील राम मंदिराचा लोकार्पण सोहळा पार पडत आहे. या निमित्त उद्धव ठाकरे नाशिक दौऱ्यावर आहेत. ते काळाराम मंदिरात महाआरती करणार आहे. या दौऱ्याचे क्षणाक्षणाचे अपडेट या लाईव्ह ब्लॉगमध्ये
काही वेळापूर्वीच ठाकरे गटाचे प्रमुख उद्धव ठाकरे हे रामकुंड येथे दाखल झाले. उद्धव ठाकरे यांच्या हस्ते गोदावरीची आरती आणि जलपूजन करण्यात आले. यावेळी 'गंगा गोदावरी माता की जय'च्या घोषणेने परिसर दणाणून गेला होता.
ठाकरे गटाचे प्रमुख उद्धव ठाकरे यांच्या हस्ते काळाराम मंदिरात महापूजा आणि महा आरती करण्यात आली. यानंतर आता उद्धव ठाकरे हे रामकुंडाकडे रवाना झाले आहेत. उद्धव ठाकरेंच्या हस्ते रामकुंड येथे महाआरती करण्यात येणार आहे.
ठाकरे गटाचे प्रमुख उद्धव ठाकरे यांचे नाशिक येथील मुंबई नाका परिसरात नुकतेच आगमन झाले. यावेळी त्यांचे कार्यकर्त्यांकडून जोरदार स्वागत करण्यात आले. यावेळी आदित्य ठाकरे देखील उपस्थित होते. उद्धव ठाकरेंचे स्वागत फुलांचे उधळण करून करण्यात आले.
ठाकरे गटाचे प्रमुख उद्धव ठाकरे हे नुकतेच काळाराम मंदिराकडे रवाना झाले आहेत. सायंकाळी 5 वाजता उद्धव ठाकरेंच्या हस्ते महाआरती करण्यात येणार आहे. त्यानंतर उद्धव ठाकरे रामकुंड येथे जावून गोदाआरती करणार आहेत.
सावरकर स्मारकात सावरकरांच्या जीवनावरील दुर्मिळ छायाचित्रे लावण्यात आले आहेत. आदित्य ठाकरे आणि रश्मी ठाकरे यांनी छायाचित्रामागील इतिहास जाणून घेतला. तर उद्धव ठाकरे यांनी स्मारकाचे आधुनिकीकरण करताना छायाचित्रे गॅलरी आहे तशीच ठेवा, हे छायाचित्र छान दिसत आहेत, असे आवाहन केले.
भगूर येथील स्मारकात सावरकरांना अभिवादन दिल्यानंतर उद्धव ठाकरे यांना वहीत अभिप्राय लिहिण्याचा आग्रह करण्यात आला. त्यांनी आदित्य आणि संजय राऊत लिहितील असे सांगितले. यानंतर राऊत यांनी सर्वांच्या वतीने अभिप्राय लिहिला. त्यावर आदित्य ठाकरे आणि संजय राऊत यांनी सहीदेखील केली. त्यात म्हटले आहे की, ।। जय हिंद ।। स्वातंत्र्यवीर सावरकर क्रांतिकारकांचे शिरोमणी! मातृभूमीसाठी त्याग करणारा असा क्रांतिवीर पुन्हा होणे नाही! भगूरचे त्यांचे निवासस्थान सतत प्रेरणा देत राहील!
ठाकरे गटाचे प्रमुख उद्धव ठाकरे हे आज नाशिक दौऱ्यावर आहेत. त्यांनी नुकतेच भगूर येथे स्वातंत्र्यवीर सावरकरांच्या स्मारकाला भेट देऊन अभिवादन केले आहे. आता ते हॉटेल डेमोक्रेसीकडे रवाना झाले आहेत. ते सायंकाळी पाच वाजता पंचवटी येथील काळाराम मंदिराला भेट देणार आहेत. उद्धव ठाकरेंसह ठाकरे गट आज सायंकाळी काळाराम मंदिरात महाआरती करेल. त्यानंतर उद्धव ठाकरे हे गोदावरीची आरती देखील करणार आहेत.
ठाकरे गटाचे प्रमुख उद्धव ठाकरे हे आज नाशिक दौऱ्यावर आहेत. ते नुकतेच भगूर येथील स्वातंत्र्यवीर सावरकर स्मारकावर दाखल झाले आहेत. उद्धव ठाकरे हे स्वातंत्र्यवीर सावरकरांच्या पुतळ्याला अभिवादन करणार आहेत.
ठाकरे गटाचे प्रमुख उद्धव ठाकरे यांचे देवळालीत जंगी स्वागत करण्यात आले. यावेळी 20 ते 25 फुटांचा हार जेसीबी सहाय्याने उद्धव ठाकरेंना घालण्यात आला. उद्धव ठाकरे हे सावरकर स्मारकाला अभिवादन करण्यासाठी जाणार आहेत.
अयोध्येतील श्रीरामांच्या प्राणप्रतिष्ठा सोहळ्यानिमित्ताने देशभर उत्साह पाहायला मिळतोय. त्यातच आज नाशिकमध्ये शिवसेना उद्धव बाळासाहेब ठाकरे गटाचे पक्षप्रमुख उद्धव ठाकरे हे काळाराम मंदिरात दर्शन घेण्यासाठी आणि गोदाकाठी गोदावरीचे पूजन करण्यासाठी येणार आहेत. त्यामुळे सध्या गोदाकाठी शिवसेना ठाकरे गटाच्या वतीने उद्धव ठाकरे यांच्या स्वागताचे बॅनर्स झेंडे आणि गोदाकाठी महापूजेचे आयोजन अशी जय्यत तयारी करण्यात आलेली आहे.
ठाकरे गटाचे प्रमुख उद्धव ठाकरे (Uddhav Thackeray) यांचे नुकतेच नाशिक विमानतळावर आगमन झाले आहे. ठाकरे गटाचे पदाधिकारी आणि कार्यकर्त्यांनी उद्धव ठाकरेंचे यावेळी जोरदार स्वागत केले. आता उद्धव ठाकरे भगूर येथील स्वातंत्र्यवीर सावरकर यांच्या स्मारकाला भेट देणार आहेत. उद्धव ठाकरे स्वातंत्र्यवीर सावरकरांना अभिवादन करणार आहेत.
आगमी लोकसभा निवडणुकीच्या (Loksabha Election 2024) प्रचाराचा शुभारंभ करण्यासाठी शिवसेना ठाकरे गटाने (Shivsena UBT) नाशिकमध्ये राज्यस्तरीय अधिवेशन (State level convention) आयोजित केले आहे. या पार्श्वभूमीवर ठाकरे गटाचे प्रमुख उद्धव ठाकरे (Uddhav Thackeray) नुकतेच नाशिक विमानतळावर दाखल झाले आहे. ठाकरे गटाचे पदाधिकारी आणि कार्यकर्त्यांनी उद्धव ठाकरेंचे जंगी स्वागत केले आहे.
ठाकरे गटाचे प्रमुख उद्धव ठाकरे हे थोड्याच वेळात नाशिक विमानतळावर दाखल होणार आहे. त्यानंतर ते भगूर येथे जाऊन स्वातंत्र्यवीर सावरकर यांच्या स्मारकाला अभिवादन करणार आहे. नंतर ते पंचवटी येथील काळाराम मंदिरात जाऊन दर्शन घेणार आहे. काळाराम मंदिरात उद्धव ठाकरे यांच्या हस्ते महाआरती होणार आहे. उद्धव ठाकरे यांच्या स्वागतासाठी नाशिकमधील कार्यकर्ते आणि पदाधिकारी नाशिक विमानतळावर दाखल झाले आहेत.
काल आसाममध्ये राहूल गांधी यांच्या भारत जोडो यात्रेवर भाजप सरकारच्या गुंडांनी हल्ला केला. त्याचा आम्ही निषेध करत आहोत. राहूल गांधी यांच्याशी सकाळी बोलणे झाले आहे. देशातील वातावरण बदलण्याची सुरुवात करण्यासाठी आम्ही उद्या अधिवेशन घेत आहोत, असे वक्तव्य ठाकरे गटाचे खासदार संजय राऊत यांनी नाशिकमध्ये पत्रकारांशी बोलताना केले आहे.
प्रभू श्रीरामाच्या पदस्पर्शाने पावन झालेल्या नाशिकमधून लोकसभा व विधानसभा निवडणुकीचे रणशिंग फुंकण्याची तयारी ठाकरे गटाने केली आहे. अयोध्येतील राम मंदिर सोहळ्याचे निमंत्रण उद्धव ठाकरेंना उशिराने मिळाले. त्या आधीच उद्धव ठाकरेंनी अयोध्येला जाणार नाही, अशी भूमिका घेतली होती. तसेच नाशिकला राज्यस्तरीय अधिवेशन घेणार, असे देखील जाहीर केले होते. राम मंदिर लोकार्पणाचे औचित्य साधून उद्धव ठाकरे यांचा काळाराम मंदिरातील दर्शन व पूजेचा कार्यक्रम याआधी निश्चित करण्यात आला होता. आता भगूर येथील सावरकर स्मारकाला देखील उद्धव ठाकरे भेट देणार आहेत.
आज अयोद्धेत प्रभू श्रीराम मंदिरात प्राणप्रतिष्ठा सोहळा होतोय. ठाकरे गट आज काळाराम मंदिरात श्रीरामाची पूजा आणि महाआरती करेल. उद्या अधिवेशन होणार आहे. आज साडेबारा वाजत उद्धव ठाकरे यांचे ओझर विमानतळावर आगमन होईल. त्यानंतर ते स्वातंत्र्यवीर सावरकर स्मारकाला भेट देतील. सायंकाळी काळाराम मंदिर आणि गोदा आरतीला जातील, अशी माहिती ठाकरे गटाचे खासदार संजय राऊत यांनी नाशिक येथील पत्रकार परिषदेत दिली आहे.
नाशिकमध्ये राम मंदिर लोकार्पण सोहळ्यानिमित्त विविध कार्यक्रमांचे आयोजन करण्यात आले आहे. तसेच नाशिकच्या सुप्रसिद्ध काळाराम मंदिरात आकर्षक अशी द्राक्षांची सजावट करण्यात आली आहे. सकाळपासूनच भाविकांनी प्रभू रामाचे दर्शन घेण्यासाठी मोठ्या प्रमाणावर गर्दी केल्याचे चित्र आहे. काळाराम मंदिरात करण्यात आलेली द्राक्षांची सजावट भाविकांची लक्ष वेधून घेत आहे.
पार्श्वभूमी
Nashik News : आगमी लोकसभा निवडणुकीच्या (Loksabha Election 2024) प्रचाराचा शुभारंभ करण्यासाठी शिवसेना ठाकरे गटाने (Shivsena UBT) नाशिकमध्ये राज्यस्तरीय अधिवेशन (State level convention) आयोजित केले आहे. या पार्श्वभूमीवर ठाकरे गटाचे प्रमुख उद्धव ठाकरे (Uddhav Thackeray) हे सोमवारी (दि. 22) नाशिकमध्ये (Nashik) दाखल होणार आहेत. राज्यस्तरीय अधिवेशनाची नाशिकमध्ये जय्यत तयारी करण्यात आली असून तयारी सध्या अंतिम टप्प्यात आहे.
अयोध्येतील श्रीराम मंदिरातील प्राणप्रतिष्ठा सोहळ्याला (Ayodhya Ram Mandir Inauguration) न जाता सोमवारी उद्धव ठाकरे हे सायंकाळी पंचवटीतील काळाराम मंदिरात (Kalaram Mandir) श्रीरामाचे पूजन करणार आहेत. नंतर ते रामकुंडावर गंगा पूजन करतील. शिवसेनाप्रमुख बाळासाहेब ठाकरे (Balasaheb Thackeray) यांच्या जन्मदिनी 23 जानेवारी रोजी शिवसेना उद्धव बाळासाहेब ठाकरे पक्षाचे राज्यस्तरीय अधिवेशन होणार आहे.
- - - - - - - - - Advertisement - - - - - - - - -