Nashik Rain : नाशिकमध्ये पावसाचा जोर वाढला! गंगापूर धरणातून 3 हजार क्यूसेकने विसर्ग

Nashik Rain : नाशिकमध्ये पावसाचा जोर वाढला असून गंगापूर धरणातून पाण्याचा विसर्ग करण्यात येत आहे. सकाळी 6 वाजल्यापासून 3000 क्यूसेक वेगाने पाण्याचा विसर्ग करण्यात येत आहे.

Nashik Rain : नाशिकमध्ये पावसाचा जोर वाढला! गंगापूर धरणातून 3 हजार क्यूसेकने विसर्ग (File photo)

Nashik Rain : गंगापूर धरणाच्या पाणलोट क्षेत्रात  सुरू असलेल्या पावसाने धरणाच्या पाणी पातळीत वाढ होत आहे.  पावसाचा जोर टिकून असल्याने आज सकाळी 6 वाजल्यापासून 3000 क्यूसेकने गंगापूर धरणातून विसर्ग गोदावरी नदीपात्रात सोडण्यात येत आहे. पावसाचा जोर सतत राहिल्यास टप्याटप्याने विसर्ग वाढण्यात येईल.

गेल्या दोन ते तीन दिवसांपासून नाशिकसह गंगापूर पाणलोट क्षेत्रात पावसाची रिपरिप शहरात सकाळपासून पावसाची रिपरिप सुरूच असून स्वातंत्र्यदिनाच्या झालेले सूर्यदर्शन आज दिवसभर झालेले नव्हते. तर आजही जिल्हाभरात तशीच परिस्थिती असून पावसाची संततधार सुरूच असल्याने जिल्ह्यातिल धरणासाठयातही कमालीची वाढ झाली आहे. 

गेल्या काही दिवसांपासून नाशिक शहर व गंगापूर पाणलोट क्षेत्र असलेल्या त्र्यंबकेश्वर परिसरात मुसळधार पाऊस सुरु आहे. त्यामुळे पुन्हा एकदा नदी नाल्याना काही प्रमाणात पूर आला आहे. तर नाशिक शहरात हलका ते मध्यम स्वरूपाचा पाऊस होत आहे. धरणांच्या पाणलोट क्षेत्रात आणि घाटांच्या परिसरात पावसाचा जोर अधिक आहे. नाशिकमध्ये सलग तिसऱ्या दिवशी दिवसभर कमी-अधिक प्रमाणात पावसाची हजेरी कायम आहे. कधी रिमझिम, कधी हलक्या सरी, तर कधी अचानक पडणाऱ्या जोरदार सरींमुळे शहरात वातावरणात गारवा आहे. 

तर जुलैच्या पहिल्या आठवड्यात पावसाने नाशिकरांची दाणादाण उडवली होती. मात्र सध्या होणार पाऊस जोरदार नसला तरी संततधार असल्याने नोकरवर्ग, चाकरमाने, नागरिक यांची कसरत पाहणारा आहे. तर दुसरीकडे मनपा प्रशासनाने मोठया मुश्किलीने बुजवलेले खड्डे पुन्हा एकदा डोके वर काढून बसले आहेत. ज्या ठिकाणी रस्त्याची कामे सुरू आहेत, ते रस्ते चिखलमय झालेले आहेत. शहरातील रस्ते पाणी साचल्याने खूपच खराब झाले आहेत. 

त्र्यंबकेश्वर परिसरात जोरदार

दरम्यान मागच्या आठवड्यातील विकेंड सुरु झाल्यापासून पावसाची रिपरिप सुरू आहे. नागरिकांसह कामावर जाणाऱ्यांना रेनकोट परिधान करूनच बाहेर पडावे लागत आहे. नाशिक शहरातील काल दिवसभरात पावसाची रिपरिप सुरू होती आणि अधूनमधून काही जोरदार सरी कोसळल्या. तर सकाळपासूनच जैसे थे परिस्थिती आहे. नाशिक शहरात पाऊस सुरूच असून जिल्ह्यातील इगतपुरी व त्र्यंबकेश्वर (Trimbakeshwer) पट्ट्यात पावसाची सत्ताधार सुरूच आहे. यामुळे धरण साठ्यात कमालीची वाढ झाली आहे. 

गंगापूर धरणातून विसर्ग 

दरम्यान जिल्हा प्रशासनाने दिलेल्या माहितीनुसार गंगापूर धरणाच्या पाणलोट क्षेत्रात  सुरू असलेल्या पावसाने धरणाच्या पाणी पातळीत वाढ होत आहे.  पावसाचा जोर टिकून असल्याने काल दुपारी 3 वाजता 500 क्युसेक व आज सकाळपासून 3000 क्युसेकने गंगापूर धरणातून विसर्ग गोदावरी नदीपात्रात सोडण्यात येईल. पावसाचा जोर सतत राहिल्यास टप्याटप्याने विसर्ग वाढण्यात येईल.