Nashik Crime : नाशिक (Nashik) शहरातुन धक्कादायक घटना उघडकीस आली असून एका प्रियकराला प्रेमप्रकरण (Love Affair) अंगात आले आहे. शहरातील म्हसरूळ परिसरात (Mhasrul area) आपल्या प्रेयसीला भेटण्यासाठी तिच्या घरी गेलेल्या प्रियकराला आपला जीव गमवावा लागल्याची धक्कादायक घटना घडली.
प्रेम प्रकरणाच्या अनेक घटना सभोवताली घडतात. अनेकदा प्रेयसी -प्रियकर पळून जातात. तर अनेक विरोध पत्करून सोबत राहत असतात. तर अनेकजण नातेवाईकांना समोरे जाऊन अडथळा ठरणाऱ्याना बाजूला करतात. अशीच एक घटना नाशिक शहरात घडली आहे. मात्र या प्रकरणात प्रेम प्रकरण बाहेर या भीतीने प्रियकराने पतीला बघून तिसऱ्या मजल्यावरून मारलेली उडी शेवटची उडी ठरली आहे.
झालं असं की, हा प्रियकर प्रेयसीच्या घरात गेल्यावर अचानक तिचा पती बाहेर आला. त्याने दोघांना बघितले यामुळे आपले भिंग फुटणार या भितीपोटी त्याने थेट इमारतीच्या तिसऱ्या मजल्यावरून बाल्कनीतून खाली उडी घेतली. गंभीर जखमी झालेल्या या व्यक्तीला रुग्णाला दाखल करण्यात आले. मात्र उपचार दरम्यान त्याचा मृत्यू झाला. नाशिक शहरातील हिरावाडी भागातील कमलनगर येथे राहणाऱ्या प्रियकराचा मृत्यू झाला आहे. याबाबत म्हसरूळ पोलीस ठाण्यात अकस्मात पृथ्वीची नोंद करण्यात आली आहे.
पतीला पाहताच प्रियकराची उडी....
हिरावाडीत राहणाऱ्या एका छत्तीस वर्षीय युवकाचे मसरूळ पोलीस ठाणे हद्दीत राहणाऱ्या एका विवाहित महिले बरोबर प्रेम संबंध होते. दहा ते बारा दिवसांपूर्वी प्रियकर आपल्या प्रियसीला भेटण्यासाठी थेट तिच्या घरी गेला होता. मात्र त्याचवेळी अचानक तिचा पती दरवाजासमोर आल्याने आपण पकडले जाऊ व आपला बिंग फुटेल या भीती पोटी त्याने थेट घराच्या तिसऱ्या मजल्यावर गॅलरीतून खाली उडी घेतली होती. त्यात तो गंभीर जखमी झाल्याने त्याला एका खासगी रुग्णालयात औषध उपचारासाठी दाखल केले होते. मात्र तेथे उपचार सुरू असताना त्याचा मृत्यू झाला.