मद्यधुंद महिलेच्या मर्सडिजने 2 जणांचा जीव घेतला, अटकपूर्व जामीन अर्ज न्यायालयाने फेटाळला
Nagpur Accident Bail Update : तीन महिन्यापूर्वी मद्यधुंद अवस्थेत कार चालवून दोघांचा बळी घेणाऱ्या ऋतिका ऊर्फ रितू मालू यांचा अटकपूर्व जामीनअर्ज सत्र न्यायालयाने फेटाळून लावला आहे.
Nagpur Accident Bail Update : तीन महिन्यापूर्वी मद्यधुंद अवस्थेत कार चालवून दोघांचा बळी घेणाऱ्या ऋतिका ऊर्फ रितू मालू यांचा अटकपूर्व जामीनअर्ज सत्र न्यायालयाने फेटाळून लावला आहे. या प्रकरणी मालू यांच्याविरुद्ध सदोष मनुष्यवधाचा गुन्हा दाखल करण्यात आला आहे. 25 फेब्रुवारी 2024 रोजी मध्यरात्री नागपूरच्या रामझुला ओहरब्रिजवर एक महिलेच्या बेजबाबदारपणामुळे दुचाकीवरील दोन तरुणांचा बळी गेला. या घटनेत काळ्या रंगाच्या मर्सडिजमध्ये असलेल्या ऋतिका हिने मद्यधुंद अवस्थेत अंत्यत वेगात रॅश ड्राईव्ह करत दुचकीला धडक दिली. यामध्ये एका तरुणाचा जागीच मृत्यू झाला तर एकाचा उपचारादरम्यान मृत्यू झाला.
नागपुरातील रामझुला पुलावर अपघाताची ही घटना २५ फेब्रुवारी 2024 रोजी रात्री घडली होती. रितू मालू व त्यांची मैत्रीण माधुरी सारडा या दोघी सीपी क्लबमध्ये गेल्या होत्या. तेथे त्यांनी मद्य प्राशन केले. त्यानंतर मर्सिडीज कारने दोघी वर्धमाननगरकडे जायला निघाल्या. रामझुला पुलावरवर रितू यांनी कारचा वेग वाढवला आणि दोन तरुणांच्या मोपेडला जोरदार धडक दिली. यात मोहम्मद हुसेन व मोहम्मद आतिफ मोहम्मद जिया यांचा मृत्यू झाला होता. याप्रकरणी तहसील पोलिसांनी प्राणांतिक अपघाताचा गुन्हा दाखल करून रितू यांना अटक करण्यात आली होती. त्यानंतर पोलिसांनी त्यांना न्यायालयात हजर केल्यावर तेव्हा न्यायालयाने रितू मालू यांना अंतरिम जामीन दिला होता. पण पुढे सीसीटीव्ही फुटेजच्या आधारे अपघाताचा सखोल तपास करत नागपूर पोलिसांनी रितू मालू यांच्यावर सदोष मनुष्यवधाचा गुन्हा दाखल केल होता. मात्र अटक टाळण्यासाठी त्यांनी सत्र न्यायालयात अटकपूर्व जामीनअर्ज दाखल केला होता. त्याला न्यायालयाने अंतरिम मंजुरी दिली होती. तेव्हापासून त्यावर सुनावणी सुरू होती. आज याप्रकरणी मालू यांचा जामीन फेटाळण्यात यावा, असा जोरदार युक्तिवाद सरकारी पक्षाच्या बाजुने करण्यात आला. न्यायालयाने दोन्ही पक्षांची बाजू ऐकून मालू यांचा जामीन फेटाळून लावला आहे.
भरधाव करने घेतला दोन तरुणांचा बळी
बेजबाबदारपणामुळे दुसऱ्यांच्या जिवाचीही पर्वा न करता भरधाव करने दुचाकीवरील दोन तरुणांचा बळी घेतला. ही दुर्दैवी घटना 25 फेब्रुवारी रोजी मध्यरात्री घडली. मोहम्मद हुसेन गुलाम मुस्तफा (34, रा.नालसाहब चौक) आणि मोहम्मद आतिफ मोहम्मद जिया (34, रा. जाफरनगर, अवस्थी चौक) असे मृतांची नावं आहेत. तर माधुरी शिशिर सारडा (37, वर्धमान नगर) आणि रितिका ऊर्फ रितू दिनेश मालू (39, रा.देशपांडे ले-आउट) अशी गुन्हा दाखल झालेल्या महिलांची नावे आहेत. हुसेन आणि त्याचा मित्र आतिफ हे दोघे आपल्या दुचाकीने घरी जात होते. दरम्यान, त्या रात्री दीड वाजताच्या सुमारास हे दोघे रामझुल्यावरून जात असताना एका मर्सडिज कारने (कार क्रमांक. एमएच 49 एएस 6111) त्यांना मागून धडक दिली. या कारचा वेग इतका जास्त होता की, दोन्ही दुचाकीस्वार अनेक फूट दूर फेकले गेले. दरम्यान हुसेन आणि आतिफ हे दोघे गंभीररित्या जखमी झाले. त्यानंतर घटनास्थळावरील लोकांनी तत्काळ या दोन्ही जखमींना जवळच असलेल्या मेयो रुग्णालयात दाखल केले. मात्र डॉक्टरांनी मोहम्मद हुसेनला उपचार सुरू करण्यापूर्वीच मृत घोषित केले, तर मोहम्मद आतिफचा उपचारादरम्यान मृत्यू झाला.
महत्त्वाच्या बातम्या
