राज आणि उद्धव ठाकरेंच्या भेटीमागील गुपित उलगडलं?

मुंबई : जयदेव ठाकरे यांनी कोर्टात दिलेल्या वादग्रस्त साक्षीवरुनच राज आणि उद्धव ठाकरे यांच्यात सविस्तर चर्चा झाल्याची माहिती सुत्रांनी दिली आहे. या भेटीला कोणतीही राजकीय किनार नसल्याचं म्हटलं जात आहे.   जयदेव यांनी संपत्तीसाठी कोर्टाची पायरी चढल्यानं कुठलाही समझोता मातोश्रीवरुन होणार नाही असं सूत्रांनी सांगितलं आहे. राज ठाकरेंसोबत कोणीही नव्हतं. राज आणि उद्धव या दोघांमध्येच सुमारे दीड तास चर्चा झाली.     आगामी मुंबई महापालिका निवडणुकीच्या पार्श्वभूमीवर ही भेट असल्याचा अंदाज राजकीय विश्लेषक वर्तवत होते. तर बाळासाहेब ठाकरेंचा संपत्ती वाद आणि उद्धव ठाकरे- जयदेव ठाकरे यांच्यातील न्यायालयाीन लढाई या पार्श्वभूमीवर ही भेट असल्याचा अंदाज काही जणांनी वर्तवला होता.   ‘मातोश्री’वर जाऊन राज ठाकरेंनी काय केलं?   *’मातोश्री’च्या पहिल्या मजल्यावर जाऊन बाळासाहेबांच्या प्रतिमेचं दर्शन घेतलं.   *उद्धव ठाकरे यांना वाढदिवसाच्या शुभेच्छा दिल्या.   *राज यांनी उद्धवसोबत ‘मातोश्री’वर सुमारे दीड तास एकत्र चर्चा केली.    

राज – उद्धव  यांच्या यापूर्वीच्या भेटी

  1) दरम्यान, यापूर्वी  शिवसेनेच्या लोकसभेतल्या यशाबद्दल राज ठाकरेंनी उद्धव ठाकरेंचं मातोश्रीवर पुष्पगुच्छ पाठवून अभिनंदन केलं होतं. महाराष्ट्रात शिवसेनेचे 18 खासदार निवडून आल्यामुळे राज ठाकरेंनी उद्धव ठाकरेंना पुष्पगुच्छ पाठवला होता.   2) यापूर्वी 2012 मध्ये सुमारे साडेतीन वर्षांनी राज ठाकरे  आणि उद्धव ठाकरे यांची भेट झाली होती. या भेटीचं निमित्त होतं उद्धव ठाकरे यांच्या प्रकृतीचं. राज ठाकरे यांनी कुटुंबासह उद्धव ठाकरे यांची लिलावती रुग्णालयात भेट घेतली होती. छातीत दुखू लागल्याने उद्धव ठाकरेंना रुग्णालयात दाखल करण्यात आलं आहे. त्यामुळे प्रकृतीची विचारपूस करण्यासाठी राज यांनी पत्नीसह उद्धव ठाकरेंची भेट घेतली होती. राज ठाकरे यांनी शिवसेना सोडल्यानंतर राज-उद्धव यांच्या भेटीची ही त्यावेळची केवळ दुसरी भेट होती.   3) २३ नोव्हेंबर २००८ मध्ये राज ठाकरे बाळासाहेबांची पुस्तकं परत करण्याच्या निमित्ताने मातोश्रीवर दाखल झाले होते. त्यावेळी उद्धव आणि राज यांची भेट झाली होती.     *23 नोव्हेंबर 2008   बाळासाहेबांची पुस्तकं परत करण्याच्या निमित्ताने राज मातोश्रीवर   *16 जुलै, 2012   उद्धव ठाकरेंना छातीत दुखू लागल्याने राज ठाकरे लिलावती रुग्णालयात भेटीला   *20 नोव्हेंबर, 2012   बाळासाहेबांच्या अस्थिकलशाच्या दर्शनावेळी शिवाजी पार्कवर राज-उद्धव एकत्र   *3 नोव्हेंबर, 2014   राज ठाकरेंच्या मुलीला अपघात, उद्धव ठाकरे भेटीला गेले असताना राज यांची भेट   *17 नोव्हेंबर, 2014   बाळासाहेबांच्या स्मृतीदिनाला शिवतीर्थावर राज-उद्धव एकत्र   संबंधित बातम्या  

जयदेव ठाकरेंचे उद्धव यांच्यासह ठाकरे कुटुंबावर वैयक्तिक आरोप

“शिवसेनेची धुरा बाळासाहेबांना माझ्या खांद्यावर द्यायची होती”

“उद्धवनी बाळासाहेबांना अंधारात ठेवून ‘त्या’ कागदावर सही घेतली”

शिवसेनाप्रमुखांच्या मृत्यूपत्राचा वाद, जयदेव यांची 18 जुलैपासून उलटतपासणी