![ABP Premium](https://cdn.abplive.com/imagebank/Premium-ad-Icon.png)
मीरा चोप्रा या अभिनेत्रीला पालिकेचे खोटे ओळखपत्र देऊन लस दिल्याप्रकरणी चौकशी होणार, ठाणे पालिका आयुक्तांचे आदेश
नोंदणी न करता नियम डावलून मीरा चोप्रा या अभिनेत्रीने लस घेतल्याचे उघड झाले आहे. ठाणे पालिकेच्या पार्किंग प्लाझा येथे असलेल्या रुग्णालयात ही लस देण्यात आली. या प्रकरणाची चौकशी करण्याचे आदेश ठाणे महापालिका आयुक्तांनी दिले आहेत.
![मीरा चोप्रा या अभिनेत्रीला पालिकेचे खोटे ओळखपत्र देऊन लस दिल्याप्रकरणी चौकशी होणार, ठाणे पालिका आयुक्तांचे आदेश Thane Municipal Commissioner orders probe into actress Meera Chopra's vaccination मीरा चोप्रा या अभिनेत्रीला पालिकेचे खोटे ओळखपत्र देऊन लस दिल्याप्रकरणी चौकशी होणार, ठाणे पालिका आयुक्तांचे आदेश](https://feeds.abplive.com/onecms/images/uploaded-images/2021/05/30/7088e77fbf06c8c9d1c2ccf7a3d3719d_original.jpg?impolicy=abp_cdn&imwidth=1200&height=675)
ठाणे : मीरा चोप्रा या अभिनेत्रीला सुपरवायजरचे ओळखपत्र देऊन पालिकेच्या केंद्रात लस देण्यात आली आहे. या प्रकरणी चौकशी करून दोषींवर कारवाई करण्याचे आदेश ठाणे पालिका आयुक्तांनी दिले आहेत. एकीकडे कोरोना प्रतिबंधात्मक लसीचा तुठवडा जाणवत असून ठाणेकर नागरिकांना लस मिळले मुश्कील झाले असताना दुसरीकडे नोंदणी न करता नियम डावलून एका महिला सेलिब्रिटीने लस घेतल्याचे उघड झाले आहे. ठाणे पालिकेच्या पार्किंग प्लाझा येथे असलेल्या रुग्णालयात ही लस देण्यात आली.
या अभिनेत्रीची कोविड सेंटरची फ्रंट लाईन वर्कर म्हणून खोटे ओळखपत्र बनवण्यात आले असल्याचा धक्कादायक प्रकार उघडकीस आला आहे. त्यामुळे या सेलिब्रिटीला ही लस कोणी दिली आणि कशी दिली? या संशोधनाचा विषय असला तरी नियमबाह्य लस दिल्याने पालिका प्रशासन चांगलेच गोत्यात आले आहे. याच पार्श्वभूमीवर आता चौकशीचे आदेश दिले आहेत.
ठाणे महापालिकेने कोविड हॉस्पिटलमध्ये कर्मचारी पुरविण्याचे कंत्राट दिलेल्या ओम साई आरोग्यकेअर कंपनीने चक्क तमिळ, तेलगू आणि हिंदी चित्रपटातील अभिनेत्री मिरा चोप्राला कामावर ठेवलंय. मिराला सुपरवायझर म्हणून काम करण्याचे कंत्राटदार किती पैसे देतोय? कि लस घेण्यापूरते आयकार्ड दिले गेले? pic.twitter.com/xgTMzBmXBF
— Niranjan Davkhare (@niranjandtweets) May 29, 2021
काय आहे प्रकरण?
गेल्या अनेक दिवसांपासून लसीचा तुटवडा जाणवत आहे. त्यातच ज्येष्ठ नागरिक आणि तरुणांना लसीपासून मुकावे लागत असताना मीरा चोप्रा या सेलिब्रिटीला थेट लस कशी देण्यात आली? असा सवाल आता विरोधक विचारत आहेत. तसेच चुकीच्या पध्दतीने ओळखपत्र बनवून देणाऱ्या संबंधित एजन्सीवर देखील कारवाई करण्यात यावी अशी मागणी भाजपने केली आहे.
दरम्यान नियमबाह्य लस घेतल्यानंतर ही मीरा चोप्रा यांनी मोठ्या आवडीने लस घेतल्याचे फोटो सोशल मीडियावर पोस्ट केले आहेत. तसेच या फोटो बरोबर बनवण्यात आलेले खोटे ओळखपत्र देखील पोस्ट करण्यात आले असून विरोधकांनी आश्चर्य व्यक्त केले आहे. तसेच नियमबाह्य लस देण्यात येणाऱ्याची चौकशी करून कारवाई करावी अशी मागणी विरोधकांनी केली होती.
आमदार निरंजन डावखरे यांनी ट्वीट करत म्हटलं आहे की, ठाणे महापालिकेने कोविड हॉस्पिटलमध्ये कर्मचारी पुरविण्याचे कंत्राट दिलेल्या ओम साई आरोग्यकेअर कंपनीने चक्क तमिळ, तेलगू आणि हिंदी चित्रपटातील अभिनेत्री मीरा चोप्राला कामावर ठेवलंय. मीराला सुपरवायझर म्हणून काम करण्याचे कंत्राटदार किती पैसे देतोय? कि लस घेण्यापूरते आयकार्ड दिले गेले? असा सवाल त्यांनी केला आहे.
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)