गायब खा. रवी गायकवाड यांचा पत्ता लागला!

मुंबई : ऑगस्ट क्रांती राजधानी एक्स्प्रेसनने निघालेले शिवसेनेचे चप्पलमार खासदार रवींद्र गायकवाड  यांचा अखेर पत्ता लागला आहे. गुजरातमधील वापीमध्ये उतरुन ते आता खासगी वाहनाने उस्मानाबादकडे रवाना झाले आहेत. गायकवाड यांनी एबीपी माझाला ही माहिती दिली. ऑगस्ट क्रांती राजधानी एक्स्प्रेस मुंबई सेंट्रलला दाखल झाली. परंतु खासदार रवींद्र गायकवाड त्यात नव्हते.त्यामुळे ते कुठे गेले हा प्रश्न उपस्थित होता.  मात्र आता त्यांचा पत्ता लागला आहे. रवींद्र गायकवाड शुक्रवारी संध्याकाळी 4.45 च्या ऑगस्ट क्रांती राजधानी एक्स्प्रेसने निजामुद्दीन स्टेशनवरुन एका खासदाराचे सहकारी बनून निघाले होते. परंतु तब्येतीचं कारण देत रवींद्र गायकवाड मथुरेलाच ट्रेनमधून उतरले. मात्र ट्रेन मुंबई सेंट्रलला दाखल झाल्यानंतर खासदार महोदय बेपत्ता झाल्याचं समोर आलं. ट्रेनमधील सहप्रवाशांच्या माहितीनुसार खासदार गायकवाड शेवटचे वापी स्टेशनवर दिसले होते. एअर इंडियाच्या अधिकाऱ्याला मारहाण केल्याने अनेक विमान कंपन्यांनी रवींद्र गायकवाड यांना ब्लॅक लिस्ट केलं. त्यामुळे त्यांना ट्रेनने परतावं लागलं. परंतु ट्रेनमध्येही त्यांची पत्रकारांसोबत बाचाबाची झाली.

दरम्यान एअर इंडियाच्या अधिकाऱ्याला विमानात मारहाण केल्याप्रकरणी रवींद्र गायकवाड यांच्याविरोधात दिल्लीमध्ये गुन्हा दाखल करण्यात आला आहे.

काय आहे प्रकरण? रवींद्र गायकवाड हे पुण्याहून दिल्लीला जात होते. त्यांचं बिझनेस क्लासचं तिकीट असताना त्यांना इकॉनॉमिक क्लासमध्ये बसायला सांगितलं. रवींद्र गायकवाड त्याची तक्रार दिल्लीत गेल्यावर करणार होते. दिल्लीत विमान पोहोचल्यानंतर त्यांनी तक्रार पुस्तिका मागवली, पण एअर इंडियाच्या कर्मचाऱ्यांनी त्यासाठी नकार दिला, असा दावा गायकवाड यांनी केला. VIDEO: खा. रवींद्र गायकवाडांची गुंडगिरी विमानातल्या कॅमेऱ्यात कैद विमानातून सर्व कर्मचारी उतरुन गेल्यानंतरही रवींद्र गायकवाड बसून राहिले. तक्रार करण्याचा त्यांचा हट्ट होता. त्यानतंर क्रू मेंबरने एअर इंडियाच्या कर्मचाऱ्याला बोलावलं. मात्र त्या कर्मचाऱ्याने अरेरावीची भाषा केली, असं रवींद्र गायकवाड यांचं म्हणणं आहे. ‘मी शिवसेनेचा खासदार आहे, भाजपचा नाही,  मला तक्रार करायची आहे, असं मी म्हणालो.  पण कोण खासदार, मी पंतप्रधान नरेंद्र मोदींना सांगतो,  अशा भाषेत संबंधित कर्मचाऱ्याने उद्धट भाषा वापरली. त्यानंतर मी उठून त्याची कॉलर धरली आणि 25 सँडल मारले’’, अशी कबुली रवींद्र गायकवाड यांनी दिली. … म्हणून मी एअर इंडियाच्या कर्मचाऱ्याला 25 सँडल मारले : रवींद्र गायकवाड ‘मी शिवसेनेचा खासदार आहे, भाजपचा नाही,  मला तक्रार करायची आहे, असं मी म्हणालो.  पण कोण खासदार, मी पंतप्रधान नरेंद्र मोदींना सांगतो,  अशा भाषेत संबंधित कर्मचाऱ्याने उद्धट भाषा वापरली. त्यानंतर मी उठून त्याची कॉलर धरली आणि 25 सँडल मारले’’, अशी कबुली रवींद्र गायकवाड यांनी दिली. गायकवाड यांची गुंडगिरी कॅमेऱ्यात कैद शिवसेनेचे खासदार रवींद्र गायकवाड यांची गुंडगिरी विमानातल्या कॅमेऱ्यात कैद झाली आहे. पुण्याहून दिल्लीला परतताना रवींद्र गायकवाड यांनी एअर इंडियाच्या विमानात अधिकाऱ्याला मारहाण केली. या घटनेनंतर एअर इंडियाच्या महिला कर्मचाऱ्यांनी रवी गायकवाड यांची चांगलीच कानउघडणी केली. हा सगळा प्रकार कॅमेऱ्यात कैद केला आहे. एअर इंडियाकडून खासदार रवींद्र गायकवाड यांच्या विरोधात तक्रार कोण आहेत रवींद्र गायकवाड? – रवींद्र गायकवाड हे शिवसेनेचे उस्मानाबादचे खासदार आहेत – लोकसभा निवडणुकीत रवींद्र गायकवाड यांनी राष्ट्रवादीचे पद्मसिंह पाटील यांचा पराभव केला. – उस्मानाबाद आणि परिसरात रवी सर म्हणून ते परिचीत आहेत – रवींद्र गायकवाड हे उमरगा मतदारसंघातून दोन वेळ विधानसभेवर निवडून गेले होते. – दुष्काळी भागात पाझर तलावासाठी त्यांनी काम केलं आहे. – तसंच उस्मानाबाद परिसरातील वीजेच्या प्रश्नासाठीही आवाज उठवला. संबंधित बातम्या पुन्हा त्याच विमानाने जाणार, एअर इंडियाने अडवून दाखवावं : गायकवाड एअर इंडियाकडून खासदार रवींद्र गायकवाड यांच्या विरोधात तक्रार … म्हणून मी एअर इंडियाच्या कर्मचाऱ्याला 25 सँडल मारले : रवींद्र गायकवाड