Sanjay Raut : कितीही ईडीने नोटिसा पाठवल्या, तरी झुकणार नाही! संजय राऊतांचा ईडीच्या टायमिंगवरून हल्लाबोल
Sanjay Raut : राज्यामध्ये अभूतपूर्व राजकीय संघर्ष सुरू झाला असतानाच शिवसेनेवर आणखी एक संकट येऊन कोसळले आहे शिवसेना खासदार संजय राऊत यांना ईडीने नोटीस धाडली आहे.
Sanjay Raut ED summons : राज्यात राजकीय उलथापालथ होत असतानाच शिवसेना खासदार संजय राऊत यांच्या अडचणीत वाढ झाली आहे. शिवसेना नेते संजय राऊत यांना ईडीने समन्स बजावले आहे. जमीन घोटाळ्याप्रकरणी ईडीने समन्सबजावल्यानंतर शिवसेना नेते संजय राऊत भडकले आहेत. माझ्याविरोधात षडयंत्र रचले जात असल्याचे ते म्हणाले.
खासदार संजय राऊत यांना मंगळवारी सकाळी ११ वाजता हजर राहण्यास सांगण्यात आले आहे. कितीही नोटिसा पाठवल्या, तरी झुकणार नाही, अशी प्रतिक्रिया त्यांनी दिली आहे.
संजय राऊत यांनी माध्यमांशी बोलताना सांगतिले की, पूर्वनियोजित कार्यक्रमानुसार माझी अलिबागमध्ये सभा आहे. त्यामुळे ईडीकडून वेळ मागून घेत चौकशीला सामोरे जाणार आहे. कितीही दबाव आणण्याचा प्रयत्न केला, तरी मी कोणत्याही परिस्थितीत गुहावाटीमध्ये जाणार नाही.
ईडी समन्समुळे संजय राऊत संतापले
शिवसेनेचे संजय राऊत यांनी ट्विट केले की, मला आताचा समजले ED ने मला समन्स पाठवले आहे. छान. महाराष्ट्रात मोठ्या घडामोडी सुरू आहेत. आम्ही सगळे बाळासाहेबांचे शिवसैनिक मोठ्या लढाईत उतरलो आहोत मला रोखण्यासाठी हे कारस्थान सुरू आहे. माझी मान कापली, तरी मी गुहावाटीचा मार्ग स्वीकारणार नाही. या मला अटक करा!
उद्याच चौकशीसाठी बोलावले
ईडीने शिवसेना नेते संजय राऊत यांना चौकशीसाठी उद्याच बोलावले आहे. जमीन घोटाळ्याप्रकरणी अंमलबजावणी संचालनालयाने (ईडी) राऊत यांना उद्या सकाळी ११ वाजता हजर राहण्यास सांगितले आहे. पत्रा चाळ जमीन घोटाळा प्रकरणी हे समन्स पाठवण्यात आले आहे.
पत्रा चाळ जमीन घोटाळा प्रकरणात ईडीने यापूर्वीच शिवसेना नेत्यांची मालमत्ता जप्त केली आहे. ईडीने संजय राऊत यांची पत्नी वर्षा राऊत यांचीही चौकशी केली होती. दुसरीकडे, शिवसेना नेत्या प्रियांका चतुर्वेदी यांनी समन्सवर हल्ला चढवला असून ईडीने भाजपच्या भक्तीचे उदाहरण दिल्याचे म्हटले आहे.
महत्त्वाच्या बातम्या
