एक्स्प्लोर
Advertisement
![metaverse](https://cdn.abplive.com/imagebank/metaverse-top.png)
अमोल यादवांच्या सहा आसनी विमानाची नोंदणी प्रक्रिया सुरु
विमानाच्या नोंदणीसाठी होणाऱ्या दिरंगाईवर विमान प्राधिकरणाची थेट पंतप्रधान कार्यालयाकडून कानउघाडणी झाली आहे.
![अमोल यादवांच्या सहा आसनी विमानाची नोंदणी प्रक्रिया सुरु Registration process of Amol Yadav’s six sitter aircraft begins latest update अमोल यादवांच्या सहा आसनी विमानाची नोंदणी प्रक्रिया सुरु](https://static.abplive.com/wp-content/uploads/sites/4/2017/07/29112422/Amol_Yadav.jpg?impolicy=abp_cdn&imwidth=1200&height=675)
मुंबई : मराठमोळ्या अमोल यादवनं तयार केलेलं विमान लवकरच आकाशात भरारी घेण्याची चिन्हं आहेत. 'एबीपी माझा'च्या पाठपुराव्यानंतर अमोल यादवच्या 6 सीटर एअरक्राफ्टची नोंदणी प्रक्रिया सुरु झाली आहे. विमानाच्या नोंदणीसाठी होणाऱ्या दिरंगाईवर विमान प्राधिकरणाची थेट पंतप्रधान कार्यालयाकडून कानउघाडणी झाली आहे.
मुंबईतील चारकोपमधल्या आपल्या घराच्या छतावर अहोरात्र मेहनत करुन अमोल यादव यांनी तयार केलेलं सहा आसनी विमान केवळ डीजीसीए (डायरेक्टर जनरल सिव्हिल एव्हिएशन) ची नोंदणी होत नसल्यानं उड्रडाणापासून रखडलं होतं.
2011 म्हणजे गेल्या सहा वर्षांपासून अमोल यादव या विमानाच्या नोंदणीसाठी धडपडत आहेत. विशेष म्हणजे अमोल यादव यांचं हे विमान मुंबईत आयोजित करण्यात आलेल्या 'मेक इन इंडिया वीक'मध्ये दिमाखात दाखवण्यात आलेलं होतं. त्यांच्या या प्रयत्नांचं कौतुक करत महाराष्ट्राचे मुख्यमंत्री देवेंद्र फडणवीस यांनी पंतप्रधानांपर्यंतही हा विषय पोहचवला होता.
अमोल यादवांच्या पहिल्या स्वदेशी विमानाला लालफितीचा ब्रेक
महाराष्ट्र सरकारनं या धडपडीचं कौतुक करत अमोल यांना 19 आसनी विमान बनवण्यासाठी जमीन आणि निधी देण्याचाही प्रस्ताव दिलेला आहे. अमोल यांनी 19 आसनी विमानाचा प्रोटोटाईप पूर्णही करत आणला आहे. पण त्याआधी 6 आसनी विमानाचं यशस्वी उड्डाण करुन दाखवणं त्यांना आवश्यक आहे. जेणेकरुन महाराष्ट्र सरकारसोबतचा त्यांचा मदतीचा करार पूर्णत्वास जाईल. डीजीसीएकडून मात्र त्यांना परवानगीत सातत्यानं अडथळे आणले जात आहेत. भारतात नोंदणी होत नसेल तर अमेरिकेत या विमानाची नोंदणी करण्याचा पर्याय अमोल यांच्यासमोर आहे. ज्या प्रक्रियेसाठी भारतात 6 वर्षे गेली, ती अमेरिकेत एका महिन्याच्या आतही पूर्ण होऊ शकते. पण नोंदणी अमेरिकेत झाल्यास ते विमान स्वदेशी राहणार नाही अशी खंत अमोल यांना वाटते.
Khelo khul ke, sab bhool ke - only on Games Live
अधिक पाहा..
Advertisement
Advertisement
Advertisement
महत्त्वाच्या बातम्या
ठाणे
मुंबई
राजकारण
करमणूक
Advertisement
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)
सिद्धेश ताकवलेप्रतिनिधी
Opinion