एक्स्प्लोर
Advertisement
![metaverse](https://cdn.abplive.com/imagebank/metaverse-top.png)
रामनाथ कोविंद यांच्या मुंबई दौऱ्यात ‘मातोश्री भेट’ नाही!
![रामनाथ कोविंद यांच्या मुंबई दौऱ्यात ‘मातोश्री भेट’ नाही! Ramnath Kovind Will Not Visit Matoshree In Mumbai Tour Latest Updates रामनाथ कोविंद यांच्या मुंबई दौऱ्यात ‘मातोश्री भेट’ नाही!](https://static.abplive.com/wp-content/uploads/sites/4/2017/06/19140629/Ramnath_Kovind.jpg?impolicy=abp_cdn&imwidth=1200&height=675)
मुंबई : एनडीएचे राष्ट्रपतीपदाचे उमेदवार रामनाथ कोविंद हे 15 जुलैला मुंबई दौऱ्यावर येणार आहेत. मात्र, रामनाथ कोविंद हे ‘मातोश्री’वर जाणार नाहीत. त्यांच्या दौऱ्याच्या वेळापत्रकात ‘मातोश्री भेटी’चा उल्लेख नाही.
भाजपप्रणित एनडीएने बिहारचे माजी राज्यपाल रामनाथ कोविंद यांची राष्ट्रपतीपदाचे उमेदवार म्हणून घोषणा केली. त्यानंतर एनडीएमधील सर्वच पक्षांनी त्यांना पाठिंबा दिला. मात्र, शिवसेना पक्षप्रमुख उद्धव ठाकरे यांनी जाहीर नाराजी व्यक्त केली होती.
याच सर्व पार्श्वभूमीवर रामनाथ कोविंद हे मुंबईत येत असल्याने ते ‘मातोश्री’वर जातील का, याबाबत चर्चा सुरु होत्या. मात्र, कोविंद यांच्या दौऱ्याच्या वेळापत्रकात कुठेही 'मातोश्री भेटी'चा उल्लेख नाही. त्यामुळे ते मातोश्रीवर जाणार नसल्याचे स्पष्ट आहे.
मुंबईत आल्यावर विमानतळावरुन ते थेट मरीन ड्राईव्हच्या गरवारे क्लबमध्ये जातील. तिथे भाजपचे वरिष्ठ पदाधिकारी आणि एनडीएमधील घटकपक्षांशी संवाद साधतील.
रामनाथ कोविंद हे सर्वच घटकपक्षांना भेटणार आहेत, असे भाजप प्रवक्ते माधव भंडारी यांनी सांगितले. मात्र, मातोश्री भेटीवर त्यांनी बोलण्यास टाळलं. दरम्यान, शिवसेनेकडून याबाबत अद्याप कोणतीही प्रतिक्रिया आलेली नाही.
रामनाथ गोविंद यांच्याविषयी 10 खास गोष्टी :
- सध्या बिहारचे राज्यपाल
- भाजपमध्ये दलित समाजचं प्रतिनिधित्व करणारं मोठं नाव
- दोन वेळेस राज्यसभेचे खासदार
- उत्तरप्रदेशच्या कानपूरचे रहिवाशी
- भाजपच्या दलित मोर्च्याचे अध्यक्षही होते.
- ऑल इंडिया कोली समाजाचे अध्यक्ष होते.
- भाजपचे राष्ट्रीय प्रवक्ताही होते.
- पेशानं वकिल
- 2002 मध्ये संयुक्त राष्ट्रात भारताचं प्रतिनिधित्व केलं होतं.
- गृह मंत्रालयासह अनेक मंत्रालयाचे सदस्य होते.
Khelo khul ke, sab bhool ke - only on Games Live
अधिक पाहा..
Advertisement
Advertisement
Advertisement
महत्त्वाच्या बातम्या
जळगाव
ठाणे
बॉलीवूड
मुंबई
Advertisement
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)
सिद्धेश ताकवलेप्रतिनिधी
Opinion