नवाब मलिक कोणता गौप्यस्फोट करणार?; रविवारी घेणार पत्रकार परिषद
Nawab Malik press conference : राष्ट्रवादी काँग्रेसचे नेते नवाब मलिक रविवारी सकाळी पत्रकार परिषद घेणार आहेत. या पत्रकार परिषदेत नवाब मलिक काही महत्त्वाचा गौप्यस्फोट करणार असल्याची चर्चा आहे.
Nawab Malik Press confernce : आर्यन खान ड्रग्ज प्रकरणात राज्याचे अल्पसंख्याक मंत्री आणि राष्ट्रवादी काँग्रेसचे नेते नवाब मलिक रविवारी आणखी एक मोठा गौप्यस्फोट करणार असल्याची चर्चा सुरू आहे. भाजप नेते मोहित कंबोज यांनी शनिवारी पत्रकार परिषद घेत आर्यन खान प्रकरणात राष्ट्रवादी काँग्रेसशी संबंधित सुनील पाटील याचा संबंध असल्याचा आरोप मोहित कंबोज यांनी केला. त्यानंतर आता रविवारी सकाळी नवाब मलिक पत्रकार परिषदेत कोणता गौप्यस्फोट करणार आहेत, याकडे अनेकांचे लक्ष लागले आहे.
काही दिवसांपूर्वीच नवाब मलिक यांनी रविवारच्या पत्रकार परिषदेत महत्त्वाची माहिती उघड करणार असल्याचे म्हटले होते. त्यानंतर भाजप नेत्यांनीही मलिक यांच्याविरोधात आरोप सुरू केले. भाजप नेते मोहित कंबोज यांनी नवाब मलिक आणि राष्ट्रवादी काँग्रेसवर आरोप केले. त्यावर मलिक यांनी मोहित कंबोज हे समीर वानखेडे यांच्या आर्मीचा सदस्य असून पत्रकार परिषदेत खोटे आरोप केले आहेत. मी या प्रकरणी सत्य सर्वांसमोर आणणार असल्याचे मलिक यांनी कंबोजच्या पत्रकार परिषदेनंतर म्हटले.
A member of Sameer Dawood Wankhede's private army just held a Press Conference to misguide and divert the attention from the truth albeit unsuccessfully.
— Nawab Malik نواب ملک नवाब मलिक (@nawabmalikncp) November 6, 2021
I will reveal the truth tomorrow
मोहित कंबोज यांनी काय म्हटले?
भाजपच्या मोहित कंबोज यांनी थेट राष्ट्रवादी काँग्रेसवर निशाणा साधाला आहे. मुंबई क्रूझ ड्रग प्रकरणी सुनील पाटील हे मास्टरमाईंड असून त्यांचा राष्ट्रवादीशीसंबंध असल्याचा खळबळजनक आरोप मोहित कंबोज यांनी केला आहे. सुनील पाटील हे राष्ट्रवादी काँग्रेसचे संस्थापक सदस्य आहेत. 20 वर्षांपासून त्यांचे राष्ट्रवादी पक्षासोबत संबंध राहिले आहेत. फक्त संबंधच नाही, तर राज्याचे माजी गृहमंत्री अनिल देशमुख यांचे पुत्र ऋषीकेश देशमुख यांचे ते चांगले मित्र आहेत. राज्यात राष्ट्रवादी पक्षाच्या सर्व नेते आणि मंत्र्यांचे त्यांच्याशी घरचे संबंध असल्याचा दावा मोहित कंबोज यांनी केला.
अनिल देशमुखांवर इडीची सुरू असलेल्या कारवाईत सुनील पाटील यांची भूमिका आहे. राज्याच्या गृहविभागात अधिकाऱ्यांची बदली करण्यासाठी सुनील पाटील पैसे घेत होते. सुनील पाटील राज्यात गृहविभागात बदलीचं रॅकेट चालवत असल्याचंही कंबोज म्हणाले.
महत्त्वाच्या बातम्या
