मुंबई : नवरात्रीसाठी डॉमिनोजनं खास शाकाहारी पिझ्झा सर्व्ह करण्याचा बेत आखला आहे. त्यामुळे एक ऑक्टोबर म्हणजेच घटस्थापनेपासून जवळपास अर्ध्याहून अधिक डॉमिनोजची रेस्टॉरंट शाकाहारी होणार आहेत.
उत्तर आणि दक्षिण भारतातील डॉमिनोजच्या 500 आऊटलेट्समध्ये मांसाहारी पदार्थ सर्व्ह केले जाणार नाहीत. पहिल्यांदाच एखाद्या पाश्चिमात्य खाद्यपदार्थ कंपनीनं नवरात्रीसाठी अशा मोठ्या प्रकाराचा बदल केला आहे.
मांसाहार, गहू, कांदा-लसूण यांच्याऐवजी शिंगाडा, साबुदाणा यासारख्या उपवासाच्या पदार्थांचा समावेश असेल. नवरात्रीमध्ये मासांहारी पदार्थाची मागणी खूपच कमी होते. त्यामुळे गेल्या 2 वर्षात डॉमिनोजला मोठा तोटा सहन करावा लागला. त्यामुळे धंद्याला नवी उभारी देण्यासाठी हा निर्णय घेण्यात आला आहे.