आदेश देऊनही कारवाई न झाल्याने न्यायालयाच्या अवमानतेची नागरी व फौजदार कारवाई का करु नये याचे प्रत्युत्तर मेहता यांनी सादर करावे, असे आदेशही न्यायालयाने दिले होते. त्यानुसार मेहता यांनी हे प्रतिज्ञापत्र सादर केले.
मेहूल यांचा विलेपार्ले येथे कुंज विहार बंगला आहे. तेथे त्यांनी अवैध बांधकाम केले असल्याचा आरोप करत शिवसेनेचे जितेंद्र जानावळे यांनी याचिका दाखल केली होती. त्याची दखल घेत न्यायालयाने अवैध बांधकामावर कारवाई करण्याचे आदेश जून महिन्यात दिले होते.
पण कारवाई करण्याऐवजी पालिकेने हे बांधकाम नियमित केल्याचे याचिकाकर्त्याने न्यायालयाला सांगितले. त्यावर संतप्त झालेल्या न्यायालयाने मेहता यांना कारणे दाखवा नोटीस जारी केली होती.