एक्स्प्लोर

Mumbai Rain Red Alert: मुंबईकरांनो विचार करुन घराबाहेर पडा! पावसाचा ऑरेंज अलर्ट रेडमध्ये कन्व्हर्ट झाला, 80-90 किमीच्या वेगाने वारे वाहण्याचा इशारा

Mumbai Rain Live Updates: भारतीय हवामान विभागाने (IMD) मुंबई महानगर क्षेत्रासाठी अतिवृष्टीचा इशारा (Red Alert) जारी केला असून ताशी 80 ते 90 किलोमीटर वेगाने वारे वाहण्याची शक्यता वर्तविली आहे.

Written By : अभिषेक मुठाळ | Edited By: Vishal Deokar | Updated at : 06 Jul 2026 10:18 AM (IST)

Mumbai Rain Red Alert:

Mumbai Rain: मुंबईकरांसाठी पावसासंदर्भात एक अतिशय महत्वाची बातमी समोर आली आहे. भारतीय हवामान विभागाने (IMD) मुंबई महानगर क्षेत्रासाठी अतिवृष्टीचा इशारा (Red Alert) जारी केला असून ताशी 80 ते 90 किलोमीटर वेगाने वारे वाहण्याची शक्यता वर्तविली आहे. बृहन्मुंबई महानगरपालिकेतर्फे (Mumbai Rain Alerts) सर्व नागरिकांना आवाहन करण्यात आले आहे कि, अत्यावश्यक कामाशिवाय घराबाहेर पडणे टाळावे. झाडे, जीर्ण इमारती, होर्डिंग्ज, विद्युत खांब तसेच इतर धोकादायक ठिकाणांपासून सुरक्षित अंतर राखावे. झाडांखाली वाहने उभी (Park) करण्याचे टाळावे. समुद्रकिनारी तसेच पाणथळ भागात जाणे टाळावे, अशा सूचनाही प्रशासनाकडून देण्यात आल्या आहे.

राज्यातील बहुतांश ठिकाणी पावसाने अक्षरशः धुमाकूळ घातला आहे. तर मुंबईत देखील मुसळधार पावसाचा जोर कायम आहे. या पावसाचा फटका रेल्वे, रस्ते वाहतुकीवर झाला आहे. तर अनेक महामार्गावर दरड कोसळण्याच्या आणि पुलावर पाणी आल्याने रस्ते वाहतूक ठप्प करण्यात आली आहे. अशातच आता हवामान विभागाकडून महत्वाच्या सूचना आणि अलर्ट जारी करण्यात आला आहे. संभाव्य धोका लक्ष्यात घेता नागरिकांनी योग्य ती काळजी घ्यावी अशा सूचना देण्यात आल्या आहे.

Mumbai Rain News : मुंबईकरांनो अत्यावश्यक कामाशिवाय घराबाहेर पडणे टाळा, प्रशासनाकडून सूचना

दरम्यान, नागरिकांनी अफवांवर विश्वास न ठेवता केवळ अधिकृत माध्यमांद्वारे प्रसारित करण्यात येणाऱ्या सूचना व इशाऱ्यांचे पालन करावे. प्रशासन व आपत्ती व्यवस्थापन यंत्रणेकडून वेळोवेळी जारी करण्यात येणाऱ्या सूचना व मार्गदर्शक तत्त्वांचे काटेकोरपणे पालन करावे. तसेच, आपत्कालीन परिस्थितीत तत्काळ मदतीसाठी बृहन्मुंबई महानगरपालिकेच्या 1916 या मदतसेवा क्रमांकावर संपर्क साधावा, असे आवाहन करण्‍यात आले आहे.

बृहन्मुंबई महानगरपालिकेसह विविध यंत्रणांचे सुमारे 15 हजार अधिकारी व कर्मचारी आपापल्या कार्यक्षेत्रात (ऑन ग्राउंड) अहोरात्र कार्यरत आहेत. वरिष्ठ अधिकारीदेखील प्रत्येक घडामोडीवर सातत्याने बारकाईने लक्ष ठेवून आवश्यक त्या उपाययोजनांचे समन्वयन करीत आहेत. अशी माहिती प्रशासनाकडून देण्यात आली आहे.

महत्त्वाची जनहित सूचना

⛈️🚨भारतीय हवामान विभागाने (IMD) मुंबई महानगर क्षेत्रासाठी अतिवृष्टीचा इशारा (Red Alert) जारी केला असून ताशी ८० ते ९० किलोमीटर वेगाने वारे वाहण्याची शक्यता वर्तविली आहे.

🔹बृहन्मुंबई महानगरपालिकेतर्फे सर्व नागरिकांना आवाहन करण्यात येते की, अत्यावश्यक…
— माझी Mumbai, आपली BMC (@mybmc) July 6, 2026

राज्यातील कोणकोणते रस्ते बंद? (Maharashtra Rain Marathi News)