Mumbai Local Mega Block : रविवारी घराबाहेर पडताय? मध्य रेल्वेवर मेगाब्लॉक, प्रवासाचं नियोजन आधीच करा
Mumbai Local Mega Block : आज 19 मार्च रोजी मध्य रेल्वे मार्गावर मेगाब्लॉक घेण्यात येणार आहे. या वेळेत विविध अभियांत्रिकी आणि देखभालीची कामं करण्यात येणार आहेत.
Mumbai Local Mega Block, 19 March : मुंबईकरांनो, आजी रविवारी (19 मार्च) सुट्टीनिमित्त फिरण्याचा किंवा कामानिमित्त घराबाहेर पडण्याचा विचार करत असाल. तर मुंबई लोकलचं वेळापत्रक पाहूनच घराबाहेर पडाल. कारण देखभालीच्या कामासाठी मुंबई लोकल मार्गावर मेगाब्लॉक घेण्यात येत आहे. त्यामुळे आज तुम्ही जर तुम्ही घराबाहेर पडण्याचा विचार करत असाल तर तुमच्या प्रवासाचं नियोजन तुम्हाला आधीच करुन घ्या.
मुंबई लोकलच्या मध्य मार्गावर मेगाब्लॉक
आज मुंबई लोकल वर मेगाब्लॉक (Mumbai Local News) आहे. मुंबई लोकलच्या मध्य (Central Railway Megablock) मार्गावर मेगाब्लॉक घेतला जाणार आहे. हार्बर मार्गावर (Harbor Railway) मात्र मेगाब्लॉक नसणार आहे. हार्बर मार्गावरील सेवा सुरळीत राहणार आहे. यासंदर्भातील माहिती मध्यरेल्वेच्या जनसंपर्क विभागाकडून प्रसिद्धीपत्रक जारी करत देण्यात आली आहे.
देखभालीची कामं करण्यासाठी मेगाब्लॉक
मध्य रेल्वेच्या मुंबई (Mumbai News) विभागाकडून 19 मार्च 2023, रविवारी विविध अभियांत्रिकी आणि देखभालीची कामं करण्यासाठी मेगाब्लॉक घेतला जाणार असल्याचं प्रसिद्धीपत्रकातून सांगण्यात आलं आहे.
मध्यरेल्वेच्या जनसंपर्क विभागाकडून प्रसिद्धीपत्रकात नमूद करण्यात आल्यानुसार, मध्य रेल्वे, मुंबई विभाग रविवार 19 मार्च रोजी विविध अभियांत्रिकी आणि देखभालीची कामं करण्यासाठी आपल्या उपनगरीय विभागांवर मेगाब्लॉक घेण्यात येणार आहे. छत्रपती शिवाजी महाराज टर्मिनस-विद्याविहार अप आणि डाऊन धीम्या मार्गावर सकाळी 10.55 ते दुपारी 3.55 पर्यंत मेगाब्लॉक घेण्यात येणार आहे.
छत्रपती शिवाजी महाराज टर्मिनस मुंबई येथून सकाळी 10.48 ते दुपारी 3.40 या वेळेत सुटणाऱ्या धीम्या मार्गावरील सेवा छत्रपती शिवाजी महाराज टर्मिनस, मुंबई ते विद्याविहार स्थानकांदरम्यान डाउन जलद मार्गावर वळवण्यात येतील व भायखळा, परळ, दादर, माटुंगा, शीव आणि कुर्ला स्थानकांवर थांबून पुढे पुन्हा योग्य डाउन धिम्या मार्गावर वळवण्यात येतील.
घाटकोपर येथून अप धीम्या मार्गावरील अप जलद मार्गावर
घाटकोपर येथून सकाळी 10.41 ते दुपारी 3.52 वाजेपर्यंत अप धीम्या मार्गावरील सेवा विद्याविहार ते छत्रपती शिवाजी महाराज टर्मिनस, मुंबई दरम्यान कुर्ला, शीव, माटुंगा, दादर, परळ आणि भायखळा स्थानकांदरम्यान अप जलद मार्गावर वळवण्यात येईल.
छत्रपती शिवाजी महाराज टर्मिनस मुंबई ते पनवेल दरम्यान हार्बर मार्गावर कोणताही मेगाब्लॉक घेण्यात येणार नाही. हे मेंटेनन्स मेगा ब्लॉक्स पायाभूत सुविधांच्या देखभालीसाठी आणि सुरक्षिततेसाठी आवश्यक आहेत. यामुळे प्रवाशांना होणाऱ्या गैरसोयीबद्दल रेल्वे प्रशासन दिलगीर आहे.
महत्त्वाच्या बातम्या
ट्रेंडिंग न्यूज
