Mumbai Local Mega Block : महाराष्ट्र भूषण पुरस्कारासाठी रविवारी हार्बर मार्गावरील मेगा ब्लॉक रद्द; मात्र मेन लाईनवर माटुंगा-मुलुंड मार्गावर मेगा ब्लॉक वेळापत्रकाप्रमाणे
Mumbai Local Mega Block : रविवारी हार्बर रेल्वे मार्गावर होणारा मेगा ब्लॉक (Harbour Line Mega Block) रद्द करण्यात आला आहे.
Mumbai Local Mega Block : रविवारी म्हणजे उद्या (16 एप्रिल) महाराष्ट्र भूषण पुरस्कार सोहळा संपन्न होणार आहे. या दिवशी हार्बर रेल्वे मार्गावर होणारा मेगा ब्लॉक (Harbour Line Mega Block) रद्द करण्यात आला आहे. हार्बर मार्गावर मेगा ब्लॉक असणार नाही. मात्र, मेनलाईन वर माटुंगा-मुलुंड जलद मार्गावर अगोदर जाहीर केल्याप्रमाणे मेगा ब्लॉक राहणार आहे. सर्वच राजकीय पक्षांनी मेगाब्लॉक रद्द करण्याची मागणी केली होती. सांस्कृतिक मंत्री सुधीर मुनगंटीवार (Minister Sudhir Mungantiwar) यांनी देखील मध्य रेल्वेच्या विभागीय व्यवस्थापकांशी चर्चा केली होती. त्यानंतर मध्य रेल्वेने हार्बर मार्गावरचा मेगा ब्लॉक रद्द केला आहे.
केंद्रीय गृहमंत्री अमित शाहा यांच्या हस्ते पुरस्काराचे वितरण
रविवारी (16 एप्रिल) डॉ.अप्पासाहेब धर्माधिकारी (Appasaheb Dharmadhikari) यांचा महाराष्ट्र भूषण (Maharashtra Bhushan) पुरस्कार देऊन सन्मान करण्यात येणार आहे. हा पुरस्कार केंद्रीय गृहमंत्री अमित शाहा (Minister Amit Shah) यांच्या हस्ते देण्यात येणार आहे. या कार्यक्रमासाठी विविध मार्गाने खारघर येथे लाखोंच्या संख्येने भाविक येणार आहेत. त्याचवेळी हार्बर रेल्वेवर नियमित देखभालीच्या कामांसाठी मेगा ब्लॉक घेण्यात आला होता. मात्र, स्वतः सांस्कृतिक मंत्री सुधीर मुनगंटीवार यांनी मध्य रेल्वेच्या विभागीय व्यवस्थापकांशी चर्चा केल्यानंतर रविवारी होणारा हार्बर मार्गावरचा मेगाब्लॉक मध्य रेल्वेने रद्द केला आहे. आता महाराष्ट्र भूषण कार्यक्रमासाठी येणाऱ्या नागरिकांना हार्बर रेल्वेने व्यवस्थित प्रवास करता येईल. सांस्कृतिक कार्यमंत्री सुधीर मुनगंटीवार यांनी या सहकार्याबद्दल मध्य रेल्वेचे आभार मानले आहेत.
Prasad Lad : प्रसाद लाड यांच्यासह राजू पाटील यांनीही केली होती मागणी
भाजप आमदार प्रसाद लाड (Mla Prasad Lad) यांनी देखील हार्बर रेल्वेवरचा मेगा ब्लॉक रद्द करण्यात यावा अशी मागणी केली होती. याबाबत त्यांनी केंद्रीय रेल्वे राज्यमंत्री रावसाहेब दानवे (Minister Raosaheb Danve) यांना पत्र लिहले होते. डॉ.अप्पासाहेब धर्माधिकारी यांना महाराष्ट्र भूषण पुरस्कार जाहीर झाला आहे. पुरस्कार प्रदान समारंभास येणाऱ्या अनुयायींच्या सोयीसाठी रविवारी घेण्यात येणारा मेगा ब्लॉक रद्द करावा अशी मागणी लाड यांनी केली होती. त्याचबरोबर महाराष्ट्र नवनिर्माण सेनेचे आमदार राजू पाटील (Raju Patil) यांनी देखील मेगा ब्लॉक रद्द करण्यात यावा अशी मागणी केली होती.
महत्त्वाच्या बातम्या:
मुंबईकरांनो, रविवारच्या प्रवासाचं नियोजन आजच करा; उद्या मध्य आणि हार्बर मार्गांवर 'मेगाब्लॉक'
महत्त्वाच्या बातम्या
ट्रेंडिंग न्यूज
