मुंबईत मुलुंडमध्ये शिरलेला बिबट्या सहा तासांनी जेरबंद

भाजपचे खासदार किरीट सोमय्या यांनीही ट्वीट करुन बिबट्या शिरल्याची माहिती दिली होती.

मुंबई : मुंबईतील मुलुंड भागातील रहिवासी शनिवारी सकाळपासून बिबट्याच्या दहशतीत वावरत होते. अखेर सहा तासांच्या प्रयत्नांनंतरही बिबट्याला जेरबंद करण्यात यश आलं. बिबट्याने सहा जणांना जखमी केल्याची माहिती आहे. शनिवारी सकाळी सहा वाजताच्या सुमारास मुलुंड पूर्वेच्या नानेपाड्यात बिबट्या शिरला होता. काही तास उलटल्यानंतरही बिबट्याला जेरबंद करता आलं नव्हतं.अखेर, बेशुद्धीचं इंजेक्शन मारुन बिबट्याला पकडण्यात आलं. बिबट्याच्या हल्ल्यात सहा जण किरकोळ जखमी झाले आहेत. नानेपाडा भागातीलच एका इमारतीत बिबट्या लपला होता. वन विभागाचे कर्मचारी तीन तास बिबट्याला जेरबंद करण्याचे प्रयत्न करत होते. अखेर साडेअकरा नंतर त्यांच्या प्रयत्नांना यश आलं. भाजपचे खासदार किरीट सोमय्या यांनीही ट्वीट करुन बिबट्या शिरल्याची माहिती दिली होती. तसंच जखमींचे फोटो शेअर केले होते.

Suresh Bashidkar Injured , attacked by Tiger at Mulund east Nanipada pic.twitter.com/5Yzpp5Raa5

— Kirit Somaiya (@KiritSomaiya) January 13, 2018

 

2 more injured admitted at hospital, got attacked by leopard at nanipada Mulund east... Leopard abhi 1 purane ghar me Ghus gaya hai pic.twitter.com/B8fjd3bJHg — Kirit Somaiya (@KiritSomaiya) January 13, 2018