मुलीच्या मदतीने पतीचं कारस्थान : मृणालिनी पाटील

मुंबई : तुला शीना बोरा आणि आरुषीप्रमाणे ठार मारेन, अशी धमकी स्वतःच्या मुलीला दिल्याच्या आरोपामुळे दिग्दर्शिका मृणालिनी पाटील चर्चेत आल्या. मात्र मुलीचे आरोप मृणालिनी पाटील यांनी फेटाळले आहेत. माझ्या 15 वर्षांच्या मुलीच्या मदतीने पतीने कटकारस्थान रचलं, असा दावा मृणालिनी पाटील यांनी केला आहे.     मृणालिनी पाटील यांनी आज एबीपी माझासमोर त्याची बाजू मांडली. एखादी आई आपल्या मुलीला जीवे मारण्याची धमकी का देईल?, तसंच मुलीला खोलीमध्ये कोंडून आईला काय मिळणार आहे? असे अनेक प्रश्नही मृणालिनी पाटील यांनी उपस्थित केले.     'बापाचे मुलीमार्फत माझ्यावर आरोप' माझी मुलगी लहान आहे. हे आरोप तिने नाही तर तिच्याकडून करुन घेतलं आहे. यामध्ये तिच्या बाप, अमिताभ दयालचा हात आहे. अमिताभ दयाल आणि मुलीचा वकील रिझवान सिद्दिकी तिच्याकडून हे करुन घेत असल्याचा दावाही मृणालिनी पाटील यांनी केला आहे.

'शीना बोरा आणि आरूषीप्रमाणे ठार मारेन', आईची मुलीला धमकी

    नापास झाल्याने होम स्कूलिंग, अपहरण नाही फोन, इंटरनेट यांसारख्या गोष्टींमुळे माझ्या मुलीचं अभ्यासाकडे दुर्लक्ष झालं होतं. ती आठवीत नापास झाली. रिटेस्टला फेल झाली, त्यानंतर फर्स्ट टर्मला फेल झाली. फर्स्ट टर्मला फेल झाल्याने सीएनएमएस शाळा मुलांना नववीतच ठेवतात. तिचं वर्ष वाचवण्यासाठी तिला होम स्कूलिंग सुरु केलं.     म्हणून मुलीचा मोबाईल फोन जप्त केला : मृणालिनी पाटील माझी मुलगी चुकीच्या नेटवर्किंग साईट्सवर जात होती. वयापेक्षा मोठ्या आणि विचित्र माणसांशी ती मैत्री करत होती. त्यामुळे मार्क्स कमी आले. म्हणून तिचा मोबाईल फोन जप्त केल्यांच मृणालिनी पाटील यांनी सांगितलं.     परपुरुषाशी संबंध नाहीत : मृणालिनी पाटील परपरुषाशी संबंध असल्याचा मुलीचा आरोप मृणालिनी पाटील यांनी फेटाळला आहे. "माझा 25 वर्षांचा मुलगाही माझ्यासोबतच राहतो. आपली आई 'अशी' आहे, असं जर त्याला वाटलं असतं, तर तोच आधी घर सोडून गेला असता. मुलगी लहान आहे, त्यामुळे अमिताभ दयाल तिचा वापर करुन माझ्यावर आरोप करत आहे," असंही मृणालिनी पाटील म्हणाल्या.  

पाहा संपूर्ण मुलाखत