Mumbai Aqua Line Metro: भुयारी मेट्रोमधून प्रवास करणाऱ्या प्रवाशांची नेटवर्क कनेक्टिव्हिटीची समस्या संपली; अ‍ॅक्वा लाईनवर फुल्ल नेटवर्क
Mumbai Aqua Line Metro: भुयारी मेट्रोमधून प्रवास करणाऱ्या प्रवाशांची नेटवर्क कनेक्टिव्हिटीची समस्या संपली; अ‍ॅक्वा लाईनवर फुल्ल नेटवर्क
Mumbai Aqua Line Metro: मुंबई मेट्रोनं (Mumbai Metro) भुयारी मार्गावर (Mumbai Underground Metro) आरे जेव्हीएलआर (Aarey JVLR) ते आचार्य आत्रे चौक (Acharya Atre Chowk) दरम्यान मोबाइल कनेक्टिव्हिटी सुरू केली आहे. सायन्स सेंटर ते कफ परेड (Cuffe Parade) मधील उर्वरित मेट्रो लाईनवरील सेवा पुढील काही आठवड्यांमध्ये कनेक्ट केल्या जातील असे सांगण्यात आले आहे.
मुंबईकरांसाठी मोठा दिलासा म्हणून, टेलिकॉम ऑपरेटर व्होडाफोन आयडिया (Vi) आणि भारती एअरटेल यांनी आज सकाळी मुंबई मेट्रोच्या अ‍ॅक्वा लाईनवरील 16 स्थानकांमध्ये मोबाइल नेटवर्क पुन्हा कनेक्ट झाल्याची घोषणा केली. दरम्यान, एअरटेलची कनेक्टिव्हिटी आता आरे जेव्हीएलआर ते बीकेसी पर्यंतच्या 10 मेट्रो स्थानकांवर सक्रिय झाली आहे.
आरे जेव्हीएलआर ते आचार्य आतरे चौक (SEEPZ, MIDC अंधेरी, मारोल नाका, CSMI विमानतळ T2, साहार रोड, CSMI विमानतळ T1, संताक्रूझ, बांद्रा कालोनी, बांद्रा कुर्ला कॉम्प्लेक्स, धारावी, शितला देवी मंदिर, दादर, सिद्धिविनायक, वर्ली या सर्व स्थानकामधील मोबाईल नेटवर्क सर्व्हिस सेवा सुरु झाली आहे. उर्वरित मेट्रो लाईनची सेवा सायन्स सेंटर ते कफ परेड दरम्यान पुढील काही आठवड्यांत जोडली जाईल, अशी माहिती दिलीय.
मोबाइल नेटवर्क सेवांबाबत मेट्रो-3 मार्गिकेवर काही काळ अनिश्चितता निर्माण झाली होती. मात्र, नव्या निर्णयामुळे प्रवाशांना पुन्हा मोबाइल सेवेचा लाभ मिळणार असून सर्व दूरसंचार कंपन्या लवकरच आवश्यक यंत्रणा उभारून सेवा सुरू करण्याची प्रक्रिया पूर्ण करणार आहेत. काही स्थानकांवरची कनेक्टिव्हिटीची प्रक्रिया पूर्ण झाली आहे. या सुविधेमुळे प्रवाशांचा प्रवास अधिक सुलभ, अखंड आणि डिजिटलदृष्ट्या सक्षम होण्यास मदत होईल.
Before You Go
Ravindra Dhangekar On Shivsena : बन टार्गेटवर, दोन्ही शिवसेनेवर रवींद्र धंगेकरांची मोठी प्रतिक्रिया
महत्त्वाच्या बातम्या
