'बहू भी कभी सास बनती है’, हे लक्षात ठेवा : बाळा नांदगावकर

‘आज तुमचे दिवस आहेत, ‘सास भी कभी बहू थी, तसंच बहू भी कभी सास बनती है’ हे लक्षात ठेवा. जर न्याय विकत मिळत असेल तर विश्वास कोणावर ठेवायचा?'

मुंबई : ‘आज तुमचे दिवस आहेत, ‘सास भी कभी बहू थी, तसंच बहू भी कभी सास बनती है’ हे लक्षात ठेवा. जर न्याय विकत मिळत असेल तर विश्वास कोणावर ठेवायचा?', अशा शब्दात फुटीर नगरसेवकांच्या फैसल्यावर मनसे नेते बाळा नांदगावकरांनी शिवसेनेला टोला हाणला आहे. मनसेतून शिवसेनेत प्रवेश केलेल्या मुंबईतील सहा नगरसेवकांचा लवकरच फैसला होण्याची शक्यता आहे. कोकण आयुक्त आज किंवा उद्या या संदर्भात निकाल देतील, अशी माहिती सूत्रांनी दिली आहे. याचप्रकरणी बोलताना बाळा नांदगावकर यांनी शिवसेनेवर निशाणा साधला. ‘फुटीर नगरसेवकांवर पक्षांतर्गत कारवाई व्हावी ही आमच्या पक्षाची रितसर मागणी आहे. वाटाघाटी करुन निर्णय होत असतील तर महाराष्ट्राची जनता हे कदापि सहन करणार नाही.’ असं ते यावेळी म्हणाले. ‘न्याय विकत मिळत असेल तर विश्वास कोणावर ठेवायचा? विश्वासघात करणाऱ्यांना अधिकऱ्यांवर दबाव आणून संरक्षण देणं योग्य नाही. कायदेशीर बाबी आहेत, निर्णय काय लागतो पाहू आणि पुढचा निर्णय घेऊ.’ असंही ते म्हणाले. शिवसेनेत प्रवेश केल्यानंतर मनसेने या नगरसेवकांवर पक्षांतरबंदी कायद्याअंतर्गत कारवाई करण्याची मागणी केली आहे. तर या सहा नगरसेवकांनी कोकण आयुक्तांकडे वेगळ्या गटांची मागणी केली आहे. परंतु गेल्या तीन महिन्यापासून हे प्रकरण प्रलंबित आहे. त्यावर आज किंवा उद्या कोकण आयुक्त बैठक बोलवून फैसला देण्याच्या तयारीत आहेत. त्यामुळे कोकण आयुक्त काय निर्णय देतात त्यावर पुढची गणितं अवलंबून असणार आहेत. सहा नगरसेवकांच्या पक्षांतरावर मनसेनेही वेळोवेळी आक्षेप नोंदवला आहे. त्यामुळे पात्र झाल्यास हे नगरसेवक शिवसेनेसाठी काम करतील. पण जर अपात्र ठरले तर पुढे काय हा प्रश्न शिवसेनेपुढे उभा राहील. मनसेतून शिवसेनेत आलेले नगरसेवक   अर्चना भालेराव – वॉर्ड 126 परमेश्वर कदम – वॉर्ड 133 अश्विनी मतेकर- वॉर्ड 156 दिलीप लांडे – वॉर्ड 163 हर्षल मोरे – वॉर्ड 189 दत्ताराम नरवणकर- वॉर्ड 197 मुंबई महापालिकेतील पक्षीय बलाबल = 227

• शिवसेना अपक्षांसह - 84 +  4 अपक्ष = 88

• भाजप अभासे आणि एक अपक्षासह - 83+अपक्ष 2= 85

• कॉंग्रेस - 30

• राष्ट्रवादी कॉंग्रेस - 9

• मनसे - 7

• सपा - 6

• एमआयएम - 2

  संबंधित बातम्या : मनसेची साथ सोडणाऱ्या 6 नगरसेवकांचा दोन दिवसात फैसला? कुत्र्यांना भुंकू दे, मी हत्तीची चाल चालणार : दिलीप लांडे सहाही नगरसेवकांना बदनाम करण्याचं षडयंत्र : दिलीप लांडे मनसेतून आलेले सर्व सहा नगरसेवक आमच्यासोबतच : शिवसेना

शिवसेनेत गेलेले 4 नगरसेवक पुन्हा मनसेत परतणार?

7 नगरसेवक, 13 आमदार ते मनसेकडे उरलेला एकटा नगरसेवक

पहिल्या मास्टरस्ट्रोकनंतर शिवसेनेची तात्काळ दुसरी खेळी!

शिवसेनेचा मास्टरस्ट्रोक, मनसेचे सहा नगरसेवक सेनेसोबत

मनसेची साथ न सोडणारा एकमेव नगरसेवक कोण?

मॉकड्रीलचं कारण देत मुंबई महापालिकेच सर्व दरवाजे बंद! करोडो देऊन शिवसेनेकडून नगरसेवकांची खरेदी, सोमय्यांचा गंभीर आरोप

दगाफटका योग्य नाही, नगरसेवकांवर राज ठाकरे भडकले ‘लवकरच मुंबईत आमचा महापौर’, सोमय्यांचं शिवसेनेला आव्हान