मुंबई : पेट्रोल आणि डीझेलच्या (Petrol Diesel Price) वाढत्या किंमतीचा परिणाम आता सर्वसामान्यांवर होताना दिसत आहे. दरम्यान अॅप बेस्ड कॅब सर्व्हिस देणारी कंपनी उबेरने (Uber) आपले दर वाढवण्याचा निर्णय घेतला आहे. वाढत्या इंधन दरवाढीमुळे उबरने 15 टक्के दरवाढ करण्याच निर्णय घेण्यात आला आहे. गेल्या 11 दिवसात पेट्रोल आणि डिझेलच्या किंमतीत 6.40 रुपये प्रति लिटर वाढवण्यात आला आहे. या पार्श्वभूमीवर हा निर्णय घेण्यात आला आहे.
उबेर इंडिया आणि साऊथ आशियाचे सेंट्रल ऑपरेशन्सचे प्रमुख नितेश भूषण म्हणाले, उबरने मुंबईत आपल्या दरात 15 टक्के वाढ करण्याचा निर्णय घेतला आहे. सेवा दरात वाढणाऱ्या दराचा फायदा चालकांना होणार आहे. ड्रायव्हरकडून येणाऱ्या प्रतिक्रियेवरून इंधनदरात होणारी वाढ हा चिंतेचा विषय आहे.
दरवाढीचा झटका, हळूहळू देतायत तेल कंपन्या
देशात 22 मार्च 2022 पासून पेट्रोल आणि डिझेलच्या किमती वाढत आहेत. 22 मार्च ते 23 मार्चपर्यंत पेट्रोल आणि डिझेल प्रतिदिन 80 ते 80 पैशांनी महागलं. 24 मार्च रोजी कोणताही बदल झाला नाही, मात्र 25 मार्चपासून पुन्हा एकदा पेट्रोल-डिझेल 26 पर्यंत 80-80 पैशांनी वाढलं. यानंतर 27 मार्च रोजी पेट्रोल 50 पैसे तर डिझेल 55 पैसे महागले. 28 मार्च रोजी पेट्रोल 30 पैशांनी तर डिझेल 35 पैशांनी वाढले. 29 मार्च रोजी पेट्रोल 80 पैशांनी आणि डिझेल 70 पैशांनी वाढले, 30 मार्चला पुन्हा एकदा पेट्रोल आणि डिझेलच्या दरात 80-80 पैशांनी वाढ झाली आणि 31 मार्चला पेट्रोल आणि डिझेलचे दर 80 पैशांनी वाढले. तर 1 एप्रिल रोजी कोणताही बदल झाला नाही.
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.
इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.
पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha