Mumbai Corona Update : मुंबईत 11 हजार 317 नव्या कोरोनाबाधितांची नोंद, तर 22 हजार 73 जण कोरोनामुक्त

Mumbai Corona Update : मुंबईतील कोरोनारुग्णसंख्या हजारोंनी वाढत असली तरी कोरोनामुक्त होणाऱ्यांचे प्रमाणही अधिक असल्याने काहीसा दिलासा आहे.

mumbai_corona

Mumbai Coronavirus Cases : मुंबईतील कोरोना (Corona) रुग्णाची संख्या काहीशी स्थिरावताना दिसत आहे. मागील काही दिवसांत प्रचंड प्रमाणात सापडणारे रुग्णसंख्या काही प्रमाणात कमी होत असल्याने प्रशासनासह नागरिकांनाही दिलासा मिळाला आहे. आज (शुक्रवारी) सापडलेल्या रुग्णांपेक्षा कोरोनामुक्त झालेल्यांची संख्या जवळपास दुप्पट असल्याचेही समोर आले आहे. मागील 24 तासांत 11 हजार 318 नवे कोरोनाबाधित सापडले असून 9 जणांचा मृत्यू झाला आहे. गुरुवारच्या तुलनेत ही संख्या कमी आहे. पण रुग्णसंख्या 10 हजारांहून अधिक असल्याने धोका कायम आहे. ज्यामुळे योग्य काळजी घेऊन नियम पाळणं महत्त्वाचं झालं आहे.

आरोग्य मंत्रालयाने दिलेल्या आकडेवारीनुसार, मुंबईत गुरुवारी 22 हजार 73 रुग्णांनी कोरोनावर मात केली आहे. त्यामुळे मुंबईचा रिकव्हरी रेट एका टक्क्याने वाढून 89 टक्क्यांवर पोहचला आहे. तसेच मागील 24 तासांत 9 जणांचा कोरोनामुळे मृत्यू झाला आहे. ज्यामुळे कोरोनामुळे मृत्यू पावलेल्यांची संख्या 16 हजार 435 झाली आहे. कोरोनारुग्णांच्या मागील काही दिवसातील आकडेवारीवर एक नजर.. 

मुंबईतील रुग्णसंख्येची आकडेवारी -

तारीख	मुंबईतील रुग्णसंख्या
24 डिसेंबर	683
25 डिसेंबर	757
26 डिसेंबर	922
27 डिसेंबर	809
28 डिसेंबर	1377
29 डिसेंबर	2510
30 डिसेंबर	3671
1 जानेवारी	6347
2 जानेवारी	8063
3 जानेवारी	8082
4 जानेवारी	10860
5 जानेवारी	15166
6 जानेवारी	20181
7 जानेवारी	20971
8 जानेवारी	20,318
9 जानेवारी	19474
10 जानेवारी	13,648
11 जानेवारी	11,647
12 जानेवारी	16,420
13 जानेवारी	13, 702
14 जानेवारी	11, 317

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha