Mumbai Corona Cases : मुंबईत गेल्या 24 तासात 1431 कोरोनाबाधित रुग्णांची नोंद, 49 जणांचा मृत्यू

मुंबईत गेल्या 24 तासात 1470 रुग्णांनी कोरोनावर यशस्वीरित्या मात केली आहे, तर आतापर्यंतची ही संख्या 6 लाख 52 हजार 686 वर पोहोचली आहे.

BMC-Corona

Mumbai Corona Cases : मुंबईत कालच्या तुलनेत आज पुन्हा एकदा कोरोना रुग्णसंख्येत काहिशी वाढ पाहायला मिळाली. मुंबईत गेल्या 24 तासात 1431 कोरोनाबाधित रुग्णांची नोंद झाली आहे. तर 1470 रुग्णांनी कोरोनावर यशस्वीरित्या मात केली आहे, तर आतापर्यंतची ही संख्या 6 लाख 52 हजार 686 वर पोहोचली आहे. सध्या मुंबईत 28410 अॅक्टिव्ह रुग्ण आहेत. 

गेल्या 24 तासात मुंबईत 49 कोरोनाबाधित रुग्णांची नोंद झाली आहे. आतापर्यंत मुंबईत कोरोनामुळे 14 हजार 623 रुग्णांनी आपला जीव गमावला आहे. मुंबईत गेल्या 24 तासात 23 हजार 314 जणांची कोरोना चाचणी करण्यात आली. त्यापैकी 1431 जणांचा रिपोर्ट पॉझिटिव्ह आला. मुंबईचा रिकव्हरी रेट 93 टक्क्यांवर आला आहे. तर रुग्णसंख्या दुपटीचा रेट 331 दिवसांवर गेला आहे.

कोरोना विरुद्धच्या लढाईत लसीकरण महत्त्वाची भूमिका निभावत आहे. मात्र लसींच्या तुटवड्यामुळे लसीकरण मोहिमेत व्यत्यय येताना दिसत आहे. आज  मुंबईतील लसीकरण पूर्णपणे बंद होतं. रविवारी शहरात लसीकरण बंद असणार आहे. सोमवारच्या लसीकरणासंदर्भातील माहिती ट्विटरच्या माध्यमातून आणि सदर प्रभागांमधूनही देण्यात येईल', असं मुंबई महापालिकेकडून काल ट्वीट करत सांगण्यात आलं होतं.

1 जूननंतर लॉकडाऊनचं काय?

कोरोना रुग्णसंख्या कमी असणाऱ्या आणि मृतांचा आकडा कमी असणाऱ्या जिल्ह्यांमध्ये 1 जूननंतर लॉकडाऊनच्या नियमांमध्ये शिथिलता देण्यात येणार असल्याचे संकेत राजेश टोपे यांनी दिले. निर्बंध शिथिल करण्यात येणार असले तरीही ते एकाच वेळी शिथिल होणार नाही. तर, टप्प्याटप्प्याने या नियमांमध्ये शिथिलता देण्यात येणार आहे. त्यामुळए राज्यातीन नागरिकांना दिलासा मिळण्याचे संकेत आरोग्यमंत्र्यांनी दिले आहेत. मुख्यमंत्री उद्धव ठाकरे यांच्याशी चर्चा केल्यानंतरच यासंदर्भातील महत्त्वाचे निर्णय़ घेतले जाणार असल्याचंही त्यांनी स्पष्ट केलं.

देशातील कोरोनाची सद्यस्थिती

आरोग्य मंत्रालयाने सकाळी दिलेल्या आकडेवारीनुसार, गेल्या 24 तासात देशात 2 लाख 40 हजार 842 नव्या कोरना रुग्णांची भर पडली असून 3741 जणांचा मृत्यू झाला आहे. तसेच काल एकाच दिवसात 3 लाख 55 हजार 102 रुग्ण कोरोनातून बरे होऊन घरी परतले आहेत.  शुक्रवारी देशात 2,57,299 कोरोनाच्या नव्या रुग्णांची भर पडली होती तर  4,194 लोकांचा मृत्यू झाला होता.