एक्स्प्लोर
Advertisement
पेंटिंग्जच्या लिलावाविरोधात हायकोर्टात आलेल्या नीरव मोदीच्या कंपनीला दिलासा नाही, लिलाव सुरुच राहणार
सध्या सुरु असलेल्या या लिलावाच्या प्रक्रियेस कोणतीही स्थगिती हायकोर्टानं दिलेली नाही. न्यायमूर्ती अकिल कुरेशी आणि न्यायमूर्ती सारंग कोतवाल यांच्या खंडपीठापुढे यावर बुधवारी सुनावणी झाली.
मुंबई : पंजाब नॅशनल बँकेला हजारो कोटी रुपयांचा गंडा घालणाऱ्या हिरेव्यापारी नीरव मोदीला मुंबई उच्च न्यायालयानं तूर्तास कोणताही दिलासा देण्यास नकार दिला आहे. त्याच्या मालकीच्या तब्बल 68 महागड्या पेंटिंग्जच्या लिलावाला स्थगिती देण्याची मागणी करत नीरव मोदीच्या कंपनीने हायकोर्टात याचिका दाखल केली आहे.
या याचिकेवर 1 एप्रिलला होणाऱ्या पुढील सुनावणीत उत्तर देण्याचे निर्देश दिले आहेत. मात्र तोपर्यंत सध्या सुरु असलेल्या या लिलावाच्या प्रक्रियेस कोणतीही स्थगिती हायकोर्टानं दिलेली नाही. न्यायमूर्ती अकिल कुरेशी आणि न्यायमूर्ती सारंग कोतवाल यांच्या खंडपीठापुढे यावर बुधवारी सुनावणी झाली.
'कॅमेलॉट एंटरप्रायझेस'च्यावतीने करण्यात आलेल्या या याचिकेत लिलावाला परवानगी देण्याच्या सत्र न्यायालयाच्या निर्णयाला आव्हान देण्यात आलं आहे. 'सॅफ्रन ऑर्ट' या कंपनीमार्फत या पेंटिंग्जचा ऑनलाईन लिलाव करण्यात येणार आहे. मात्र एकूण 68 पेंटिंग्जपैकी केवळ 19 पेटिंग्ज याच नीरव मोदीच्या मालकीच्या आहेत. अन्य पेंटिंग्जची मालकी अन्य कंपनींकडे आहेत, असा दावा या याचिकेमध्ये केला आहे.
आयकर विभागाकडे मोदीची सुमारे 95 कोटी रुपयांची थकबाकी असून या वसुलीसाठी पेंटिग्जचा लिलाव करण्याची परवानगी मुंबईतील पीएमएलए कोर्टानं दिली आहे. सध्या या पेंटिंग्जचा ताबा अमंलबजावणी संचालनालयाकडे आहे. चित्रकार राजा रविवर्मा, व्ही एस गायतोंडे, एम.एफ. हुसैन, अकबर पदमसी आदी नामवंत कलाकारांच्या या पेंटिग्ज असून त्याची किंमत काही कोटी रुपयांमध्ये असण्याची शक्यता आहे.
याचबरोबर मोदीच्या 11 आलिशान गाड्यांचा लिलाव करण्याची परवानगीही विशेष न्यायालयाने दिली आहे. नीरव मोदीला सध्या लंडनमध्ये अटक करण्यात आले असून भारत सरकार त्याच्या प्रत्यार्पणाच्या प्रयत्नात आहे.
Khelo khul ke, sab bhool ke - only on Games Live
अधिक पाहा..
Advertisement
Advertisement
Advertisement
महत्त्वाच्या बातम्या
राजकारण
सोलापूर
भारत
महाराष्ट्र
Advertisement