एक न झालेली नियुक्ती, अभिनंदन आणि डिलीट झालेलं ट्वीट

भाजप नेते हर्षवर्धन पाटील यांनी विधान सभेचे विरोधी पक्षनेते देवेंद्र फडणवीस यांच्या संदर्भात आज एक ट्विट केले. या ट्विटने राजकीय वर्तुळात चर्चांना उधाण आले. मात्र, काही वेळानंतर हे ट्विट डिलीट करण्याची नामुष्की पाटील यांच्यावर ओढावली.

मुंबई : विरोधी पक्षनेते देवेंद्र फडणवीस यांना केंद्रात संधी देणार असल्याच्या चर्चा बऱ्याच दिवसांपासून रंगत आहे. याच संदर्भात भाजप नेते हर्षवर्धन पाटील यांनी एक ट्विट केलं. काही वेळातचं हे ट्विट तुफान व्हायरल झालं. देवेद्र फडणवीस यांच्यावर राज्यभरातून अभिनंदनाचा वर्षाव सुरू झाला. मात्र, काही वेळातचं हे ट्विट डिलीट करण्याची नामुष्की हर्षवर्धन पाटील यांच्यावर आली.

आज भाजप नेते आणि इंदापुरचे माजी आमदार यांनी विधान सभेचे विरोधी पक्षनेते देवेंद्र फडणवीस यांची केंद्रीय संसदीय समितीमध्ये नेमणूक झाली म्हणून अभिनंदनाचे ट्विट केले. मात्र, काही वेळातचं त्यांना हे ट्विट डिलीट करावे लागले.

काय होते ट्विट? महाराष्ट्राचे माजी मुख्यमंत्री तथा विद्यमान विधानसभा विरोधी पक्षनेते मा. देवेंद्र फडणवीस यांची केंद्रीय संसदीय समितीमध्ये नेमणूक झाल्याबद्दल त्यांचे मनः पूर्वक अभिनंदन.

माझे आताच आपले नेते मा. देवेंद्रजी फडणवीस यांच्याशी बोलणे झाले. अद्याप अशी कोणतीही नियुक्ती झालेली नाही. आपल्या सर्वांच्या शुभेच्छा आहेतच. माहितीसाठी... https://t.co/uwMBWbqUkW

— Keshav Upadhye (@keshavupadhye) July 16, 2020

विरोधी पक्षनेते देवेंद्र फडणवीस यांची केंद्रीय संसदीय समितीमध्ये नेमणूक सुरू झाल्याचं ट्विट हर्षवर्धन पाटील यांनी केल्यानंतर सोशल मीडियावर शुभेच्छांचा वर्षाव सुरू झाला. मात्र, अद्याप फडणवीस यांना अधिकृतरित्या केंद्रीय समितीचा निरोप नाही. याबाबत खुलासा करणारं ट्विट भाजपचे मुख्य प्रवक्ते केशव उपाध्याय यांनी केले आहे.

काय आहे केशव उपाध्याय यांचे ट्विट "माझे आताच आपले नेते मा. देवेंद्रजी फडणवीस यांच्याशी बोलणे झाले. अद्याप अशी कोणतीही नियुक्ती झालेली नाही. आपल्या सर्वांच्या शुभेच्छा आहेतच.

Devendra Fadnavis | देवेंद्र फडणवीस यांची भाजपच्या केंद्रीय संसदीय समितीत नेमणूक