GST Bhavan | जीएसटी भवनवर दहाव्या मजल्याचा भार; व्हीजेटीआयच्या स्ट्रक्चरल ऑडिटमधून उघड

मुंबईतील माझगाव येथील जीएसटी भवनवर दहाव्या मजल्याचा भार वाढल्याचे व्हीजेटीआयच्या स्ट्रक्चरल ऑडिटमधून उघड झालं आहे. त्यामुळे हा मजला पाडला जाण्याची शक्यता आहे.

मुंबई : माझगाव येथील जीएसटी भवनात लागलेल्या आगीमुळे मोठं नुकसान झालंय. व्हीजेटीआयच्या स्ट्रक्चरल ऑडिटमधून जीएसटी भवनातील दहाव्या मजल्याचा भार वाढल्याचे निष्पन्न झालं होतं. मात्र, त्याकडे दुर्लक्ष केल्याची बाब आता समोर आली आहे. 2019 मध्येच स्ट्रक्चरल ऑडीट करुन दहावा मजला निष्कासित करण्याचे निर्देश देण्यात आले होते. माझगांव येथील ज्या जीएसटी भवनमध्ये आग लागली त्याठिकाणी काहीही अनधिकृत बांधकाम नसल्याचे पालिकेकडून सांगण्यात आले आहे. मात्र, या इमारतीमधील दहाव्या मजल्यावर बांधण्यात आलेल्या कार्यालयांमुळे इमारतीवर भार वाढत असल्याचा अहवाल व्हीजेटीआयने दिल्याची माहिती उपलब्ध झाली आहे. यामुळे आता हा मजला तोडला जाणार असल्याचे समजते. शॉकसर्किटने आग लागल्याचा अंदाज - माझगाव येथे विक्रीकर भवन आहे. काही वर्षांपूर्वी ते वॅट भवन नंतर आता जीएसटी भवन म्हणून ओळखले जाते. जीएसटी भवनच्या दोन इमारती असून त्यातील एक इमारत 1965 ला दुसरी 1972 ला बांधण्यात आली होती. तळ अधिक नऊ मजली असलेल्या इमारतीच्या नवव्या मजल्यावर आज दुपारी साडेबाराच्या दरम्यान आग लागली. या आगीवर सुमारे तीन तासानंतर अग्निशमन दलाने नियंत्रण मिळवले आहे. इमारतीच्या नवव्या मजल्यावरील कार्यालये नूतनीकरण केली जात होती. त्याजागी जुने लाकडी सामान असेच ठेवण्यात आले होते. शॉकसर्किटने आग लागल्यावर जुन्या लाकडी सामानाने पेट घेऊन आग भडकल्याचे समोर आले आहे. याच दरम्यान इमारतीचा दहावा मजला चर्चेचा विषय बनला आहे. GST भवन राम भरोसे | जीव मुठीत घेऊन हजारो कर्मचारी करतायेत काम जीएसटी भवनमध्ये दहावा मजला अनधिकृत - जीएसटी भवनमध्ये दहावा मजला अनधिकृत असल्याची चर्चा सुरु झाली आहे. याबाबत पालिकेने काहीही बेकायदेशी बांधकाम नसल्याची माहिती दिली आहे. तर ही इमारत 55 वर्ष जुनी होती. या इमारतीचे एक ते दिड वर्षांपूर्वी स्ट्रक्चरल ऑडिट करण्यात आले. ऑडिटसाठी व्हीजेटीआय संस्थेची नेमणूक करण्यात आली होती. इमारत नऊ मजल्याची असताना त्यात कर्मचाऱ्यांना जागा कमी पडत असल्याने दहावा मजला बांधण्यात आला. या मजल्यामुळे इमारतीवर भार वाढला असून तो निष्कासित करावा असा रिपोर्ट देण्यात आला आहे. त्याप्रमाणे इमारतीचा दहावा मजला काढून टाकण्याचे काम सुरु होते. हे काम सुरु असतानाच आग लागून इमारतीचे वरील तीन मजले जाळून खाक झाले आहेत. Mumbai Fire | तीन तासांनंतर मुंबईतल्या जीएसटी भवनाला लागलेली आग आटोक्यात | ABP Majha