Ganeshotsav 2022 : मुंबईकरांसाठी महत्वाची बातमी, यंदाच्या गणेशोत्सवकरिता बीएमसीने जारी केली नवीन मार्गदर्शिका

Ganeshotsav 2022 : मुख्यमंत्री एकनाथ शिंदे यांनी गुरुवारी (21 जुलै 2022 ) गणेशोत्सव, दहीहंडी तसेच मोहरम या सणावरील सर्व निर्बंध हटवण्याचा निर्णय घेतला.

bmc

Ganeshotsav 2022 : मुख्यमंत्री एकनाथ शिंदे यांनी गुरुवारी (21 जुलै 2022 ) गणेशोत्सव, दहीहंडी तसेच मोहरम या सणावरील सर्व निर्बंध हटवण्याचा निर्णय घेतला. त्यामुळे कोरोना महामारीनंतर आता राज्यात गणेशोत्सव धुमधडाक्यात साजरा होणार आहे. मुख्यमंत्री एकनाथ शिंदे यांच्या घोषणेनंतर मुंबई महानगर पालिकेनं यंदाच्या गणेशोत्सवकरिता सुधारित मार्गदर्शिका जारी केली आहे. 

बीएमसीने मार्गदर्शिकामध्ये नेमकं काय म्हटलेय?

1. गणेश मंडळांच्या मंडपांच्या परवानगीसाठी 100 रुपये शुल्क पुर्णपणे माफ करण्यात येत आहे. तसेच जर यापुर्वी गणेशोत्सव 2022 साठीच्या मंडपांच्या परवानगीकरीता मंडळांनी शुल्क भरुन परवानगी प्राप्त केली असेल तर अशा मंडळांना 100 रुपयांचा परतावा लवकरच करण्यात येईल. 

2. गणेशोत्सव 2022 करता मूर्तिकारांच्या मंडपांकरिताचे शुल्क परमुख अग्निशमन अधिकारी यांच्याकडून पूर्णपणे माफ करण्यात येईल. तसेच ज्यांनी याअगोदर शुल्क भरले असेल तर त्यांना सरद शुल्काचा परतावा करण्यात येईल. 

3. गणेशोत्व 2022 करिता अनुज्ञापन खात्यामार्फत आकारण्यात येणारे जाहिरात शुल्क पूर्णपणे माफ करण्यात येईल. तसेच ज्यांनी अगोदर शुल्क भरले असेल तर त्यांना सदर शुल्काचा परतावा करण्यात येईल. 

4. महापालिकेच्या मंडप उफारणीबाबत उद्यान खाते व मालमत्ता खाते व खासगी भूखंडावर आकारण्यात येणारे शुल्कदेखील माफ करण्यात येईल.

5. सार्वजनिक गणेशोत्व मंडळांच्या गणेशमूर्तींसाठी कमाल उंचीचे कोणतेही निर्बंध 2022 च्या गणेशोत्सवाकरिता असणार नाहीत. 

6. घरगुती गणेश मूर्तीसाठी या अगोदर दोन फुट उंचीची कमाल मर्यादा निश्चित करण्यात आली होती. तरी आता घरगुती गणेश मूर्तीसाठी उंचीची कोणतीही मर्यादा असणार नाही. परंतु घरगुती मूर्तीच्या उंचीवर स्वखूशीने दोन फूट उंचीची मर्यादा पाळण्याबाबत आवाहन करण्यात येईल. 

7. नैसर्गिक विसर्जन स्थळी तसेच कृत्रिम विसर्जन स्थळी बृहन्मुंबई महानगरपालिकेमार्फत विद्युत रोषणाईची व्यवस्था करण्यात येईल. 

8. आगमन व विसर्जन रस्त्यांवर संबंधित वीज पुरवठादार यांच्यामार्फत विजेच्या व्यवस्तेबाबत संबंधित विभागीय सह आयुक्त यांच्यास्तरावर चर्चा करुन आवश्यक ती सुधारणा (दिवा बत्तीची संख्या व क्षमता) करण्यात येईल. 

9. मंडप शुल्क माफ करम्यात आले असले तरीसुद्धा विविध परिपत्रकांमध्ये असलेल्या अटी व शर्तीचे पालन करणे आवश्यक आहे. (उदा. अग्निशमन दलाचे कोडीफाईड शर्ती, अनुज्ञापन खात्याचे अटी व शर्ती, इत्यादी.)