शुक्रवार ते रविवार या तीन दिवसांसाठी हा सेल सुरु होता. पाच हजार रुपयांच्या वस्तू केवळ दोन हजार रुपयांत उपलब्ध होत्या. सोबत एक हजार रुपयांचा शर्ट मोफत जिंकण्याची संधी आणि एक हजार रुपयांचं व्हाऊचरही फ्री मिळणार होतं.
अनेक ग्राहकांनी दोन हजार रुपयांची नोट आणली होती. दोन हजार रुपयांत पाच हजार रुपयांच्या कपड्याची खरेदी करु देणं, हा आमचा उद्देश असल्याचं 'फ्युचर ग्रुप'चे संस्थापक आणि सीईओ किशोर बियाणी यांनी सांगितलं. गेल्या काही वर्षांतली ही सर्वात मोठी ऑफर असल्याचा दावाही त्यांनी केला. तीन दिवसांत शंभर कोटींची विक्री करण्याचं उद्दिष्ट असल्याचंही बियाणींनी स्पष्ट केलं.