CIDCO: सिडकोकडून महत्वाची घोषणा; जवळपास आठ हजार घरांसाठी अर्ज नोंदणीस मुदतवाढ, आता या तारखेपर्यंत करा अर्ज

CIDCO Housing Lottery : सिडको महामंडळाच्या (CIDCO News)  महागृहनिर्माण योजनेस चांगला प्रतिसाद मिळत असल्याने नागरिकांनी केलेल्या मागणीनुसार अर्ज भरण्याची मुदत वाढविण्यात आली आहे.

CIDCO Housing : सिडको महामंडळाच्या (CIDCO News)  महागृहनिर्माण योजनेस चांगला प्रतिसाद मिळत असल्याने नागरिकांनी केलेल्या मागणीनुसार अर्ज भरण्याची मुदत वाढविण्यात आली आहे. घरांची ॲानलाईन नोंदणी केली जात असून 6 जानेवारीपर्यंत मुदतवाढ देण्याचा निर्णय सिडको प्रशासनाने घेतला आहे. नवी मुंबईच्या उलवे नोडमधील बामणडोंगरी रेल्वे स्थानक, खारकोपर भागात  7 हजार 849 सदनिका या प्रधानमंत्री आवास योजनेंतर्गत आर्थिकदृष्ट्या दुर्बल घटकातील नागरिकांसाठी उपलब्ध करून देण्यात आल्या होत्या. सिडकोनं (CIDCO) नवी मुंबई (Navi Mumbai News) परिसरात 7 हजार 849 घरांची लॉटरी जाहीर केली होती. 

उलवे नोडला आंतरराष्ट्रीय स्तरावर महत्त्व प्राप्त

या योजनेतील गृहसंकुलांना नेरूळ-उरण उपनगरीय रेल्वे मार्गावरील बामणडोंगरी व खारकोपर रेल्वे स्थानकांसह महामार्ग, प्रस्तावित एमटीएचएल महामार्ग यांद्वारे उत्तम कनेक्टिव्हिटी लाभली आहे. तसेच सिडकोतर्फे विकसित करण्यात येत असलेले नवी मुंबई आंतरराष्ट्रीय विमानतळ या गृहसंकुलांपासून नजीकच्या अंतरावर असल्याने उलवे नोडला आंतरराष्ट्रीय स्तरावर महत्त्व प्राप्त झाले आहे.  

सिडकोच्या लॉटरीत कोणती घरं? 

नवी मुंबईतील खारकोपर, बामणडोंगरी येथे सिडकोनं जाहीर केलेली घरं आहेत. प्रस्तावित नवी मुंबई विमानतळ, ट्रान्सहार्बर रोड नजीक हा प्रकल्प आहे. जर तुम्हीही घर घेण्याचं स्वप्न पाहत असाल, तर सिडकोच्या घरांच्या लॉटरीसाठी आजपासून नोंदणी करता येईल. त्यासोबतच सिडकोनं ऑगस्ट 2022 मध्ये काढलेल्या 4 हजार 158 घरांच्या नोंदणीसाठी 3 नोव्हेंबर 2022 पर्यंत मुदतवाढ दिली आहे. 

नवी मु्ंबई आंतरराष्ट्रीय विमानतळ आणि नेरूळ-उरण रेल्वे मार्गाजवळ घरं

सिडकोनं जाहीर केलेल्या लॉटरीमध्ये 7849 घरं ही नवी मुंबईतील उलवे नोडमधील खारकोपर पूर्व 2, ए 2 बी आणि पी3, बामणडोंगरी येथील आहेत. ही घरे नवी मु्ंबई आंतरराष्ट्रीय विमानतळ आणि नेरूळ-उरण रेल्वे मार्गाजवळ आहे. नवी मुंबईतील द्रोणागिरी, कळंबोली, तळोजा, खारघर नोडमध्येही सिडकोच्या लॉटरीतील घरं आहेत. परवडणाऱ्या दरातील या 4158 घरांपैकी 404 घरं ही पंतप्रधान आवास योजनेतंर्गत आर्थिकदृष्ट्या दुर्बल घटकाकरिता आणि 3 हजार 754 घरं सर्वसाधारण प्रवर्गाकरिता उपलब्ध आहेत. त्यात 245 व्यापारी गाळ्यांची लॉटरी काढण्यात आली होती. 

सिडकोकडून आर्थिकदृष्ट्या दुर्बल घटकांसाठी उत्पन्न मर्यादा ही तीन लाख रुपये निश्चित करण्यात आली आहे. त्याशिवाय, दोन लाख 50 हजार रुपयांचं अनुदान देण्यात येणार आहे. पंतप्रधान आवास योजनेतंर्गत आर्थिकदृष्ट्या दुर्बल घटकांसाठी सदनिका उपलब्ध असणार आहेत.

ही बातमी देखील वाचा