प्रवासी वाढले, डबे तेवढेच, कॅग अहवालात लोकलच्या कारभारावर ताशेरे

नवी दिल्लीः लोकल रेल्वे गाड्यांच्या सेवेसंदर्भातील कॅगचा अहवाल संसदेत सादर करण्यात आला आहे. लोकलमध्ये 2010 ते 2015 पर्यंत प्रवाशांची संख्या डब्यांच्या क्षमतेपेक्षा कितीतरी जास्त आहे, असं सांगत कॅगने रेल्वेवर ताशेरे ओढले आहेत.     सतत होणारे लोकल अपघात आणि वाढती गर्दी यामुळे रेल्वेवर कॅगच्या या अहवालात लोकल सेवेवर ताशेरे ओढण्यात आले आहेत. लोकलच्या गलथान कारभारावरही या अहवालातून लक्ष वेधण्यात आलं आहे.   कॅगच्या अहवालातील ठळक मुद्दे

• लोकल रेल्वेत प्रवास करणाऱ्या प्रवाशांसाठी पुरेशा सुविधा उपलब्ध आहेत.
• लोकलमध्ये होणाऱ्या गर्दीमुळे प्रवासी अपघातांची आणि मृत्यूंची संख्या वाढत आहे.
• अनेक रेल्वे स्टेशन्सवर प्राथमिक सुविधांचा अभाव आहे.
• फर्स्ट एड किट, व्हील चेअर, स्वच्छतागृह, फलाटांवर निवारे, सरकते जिने अशा अनेक सुविधांचा अभाव आहे.
• विविध स्टेशन्सवर लावण्यात आलेले मेटल डिटेक्टर्सच्या माध्यमातून होणाऱ्या तपासणीवर अधिकाऱ्यांचं लक्ष नसतं.
• अनेक ठिकाणी बुकिंग काऊंटर्सच्या सुविधाही आवश्यकतेप्रमाणे नाहीत.