युती तुटताच भाजपची शिवसेनेविरोधात पोस्टरबाजी

मुंबई : युती तुटण्याची घोषणा होण्यापूर्वी शिवसेना आणि भाजपमध्ये टीकांचे बाण सुरु होतेच, मात्र युती तुटल्याच्या अधिकृत घोषणेनंतर या टीकेला अधिक धार चढली आहे. शिवसेनेच्या 'डीड यू नो' पोस्टर्स भाजपने पोस्टरबाजी करुन उत्तर दिलं आहे. भाजपने मुंबई महापालिकेतील शिवसेनेच्या 'प्रगतीच्या वाटचाली'वर पोस्टरच्या माध्यमातून ताशेरे ओढले आहेत. रस्ते, ट्राफिक, झोपडपट्टी, प्रदूषण, पाणी, कचरा, शिक्षण अशा वेगवेगळ्या क्षेत्रातील महापालिकेच्या कारभाराचे वाभाडे काढण्यात आले आहेत. ह्याला जबाबदार कोण? असा सवाल भाजपने पोस्टरवर विचारला आहे. #BJP4BMC असा हॅशटॅग पोस्टरवर जोडला आहे. आता भाजपला बहुमत द्या, असं आवाहन केलं आहे.

पाहा भाजपची सर्व पोस्टर्स

यापूर्वी राष्ट्रवादीने शिवसेनेच्या 'डीड यू नो'ला उत्तर देण्यासाठी 'यू शूड नो' अशी पोस्टर झळकवली होती. तर काँग्रेसनेही पोस्टरच्या माध्यमातून महापालिकेच्या कारभार प्रश्नचिन्ह उपस्थित केलं होतं. त्यानंतर सेनेचा मित्रपक्ष असलेल्या भाजपनेही यात उडी घेतली आहे.

संबंधित बातम्या

शिवसेना-भाजप 'पापी', मुंबईच्या समस्यांवर काँग्रेसचं पोस्टरमधून बोट

हे 'पाप' महापालिकेतील भ्रष्ट-अभद्र युतीचं, काँग्रेसची पोस्टरबाजी

शिवसेनेच्या 'डीड यू नो'ला राष्ट्रवादी काँग्रेसचे सवाल

‘करुन दाखवलं’ऐवजी शिवसेनेची नवी टॅगलाईन ‘डीड यू नो’