सन्मानजनक तोडगा निघेपर्यंत संप सुरुच राहणार : शशांक राव
संप मिटवण्यासाठी उद्धव ठाकरे, मुंबई महापालिका आयुक्त यांच्यासोबत चर्चा सुरु होती. मात्र मागण्या पुढ्यात ठेवल्या की 'पैसा नाही' हेच उत्तर मिळत होतं. त्यामुळे शिवसेनेच्या भूमिकेवरुन त्यांना प्रश्न पडलाय की बेस्टला किती मदत करायची. आता कामगारांनाही ठरवावं लागेल की येत्या निवडणुकीत त्यांना किती मदत करायची, असा इशारा शशांक राव यांनी दिला.
मुंबई : बेस्ट कर्मचाऱ्यांच्या संपावर चौथ्या दिवशीही तोडगा निघू शकलेला नाही. त्यामुळे बेस्टचा संप सुरुच राहणार आहे. सन्मानजनक तोडगा द्या तरच संप मागे घेऊ, असं शशांक राव यांनी स्पष्ट केलं आहे. परळमध्ये बेस्ट कृती समितीच्या कामगार मेळाव्यात संपावर ठाम राहण्याचा निर्णय झाला आहे.
बेस्ट संपात विद्युत पुरवठा कर्मचारी आणि म्युनिसीपल मजदुर युनियनचे महापालिका कर्मचारी सहभागी होणार आहेत.
संप मिटवण्यासाठी उद्धव ठाकरे, मुंबई महापालिका आयुक्त यांच्यासोबत चर्चा सुरु होती. मात्र मागण्या पुढ्यात ठेवल्या की 'पैसा नाही' हेच उत्तर मिळत होतं. त्यामुळे शिवसेनेच्या भूमिकेवरुन त्यांना प्रश्न पडलाय की बेस्टला किती मदत करायची. आता कामगारांनाही ठरवावं लागेल की येत्या निवडणुकीत त्यांना किती मदत करायची, असा इशारा शशांक राव यांनी दिला.
बेस्ट बजेट महापालिका बजेटमध्ये विलीन करणार नाही. बेस्ट महापालिकेत विलिनीकरणाचा प्रस्ताव महापालिकेत पास झाला तरी तो राज्य सरकारकडे पाठवणार नाही, असं महापालिका आयुक्तांनी सांगितलं आहे. त्यामुळे आयुक्त आणि सत्ताधारी आम्हाला वेठीस धरत आहेत, असं शशांक राव म्हणाले.
जेव्हा आंदोलन सुरु केलं तेव्हाच ठरवलं होतं की आता माघार घ्यायची नाही आणि मातोश्रीवर जायचं नाही. सरकार आणि महापालिकेनं अट घातली आहे की संप मागे घ्या मग चर्चा करु. ही अट आम्हाला मान्य नाही त्यामुळे प्रश्न सुटत नाही तोपर्यंत संप सुरुच राहणार असल्याचं शशांक राव यांनी स्पष्ट केलं.
बेस्ट संपाबाबत राज्य सरकारच्या उच्च स्तरीय समितीची उद्या सकाळी 11 वाजता बैठक होणार आहे. बेस्ट कर्मचाऱ्यांच्या मागण्यांवर तोडगा काढण्यासाठी तीन सदस्यीय समिती नेमण्यात आल्याची माहिती राज्य सरकारच्या वतीने मुंबई हायकोर्टात देण्यात आली.
संबंधित बातम्या
संपाचा मुंबईकरांना फटका, बेस्ट भाडेवाढीचा प्रस्ताव
बेस्ट कर्मचारी संपावर चौथ्या दिवशीही तोडगा नाहीच
बेस्ट कर्मचाऱ्यांचा संप सुरूच राहणार, उद्धव ठाकरेंची शिष्टाई अपयशी
बेस्ट संपाविरोधात हायकोर्टात याचिका, उद्या सुनावणी
बेस्टचा संप : तिसऱ्या दिवशीही बस रस्त्यावर नाही, बत्तीही गुल होणार?
बेस्ट संप चिघळला, कर्मचाऱ्यांना मेस्माअंतर्गत नोटीस देण्यास सुरुवात
दुसऱ्या दिवशीही बेस्टचा संप सुरुच
बेस्टचा संप : टॅक्सीचालकांची मुजोरी, एसटी मुंबईकरांच्या मदतीला
मुंबईत बेस्ट कर्मचारी बेमुदत संपावर, बस वाहतूक ठप्प
Before You Go
Datta Bharne Vijay Shivtare : वाहिनी गप्पा मारणारी आणि जास्त कानाला लागणारी माणसं आता ओळखा
महत्त्वाच्या बातम्या
