कल्याणमध्ये पोलिस उपनिरीक्षकाला बुडवून मारण्याचा प्रयत्न

कल्याण : कल्याणमध्ये गणपती विसर्जनावेळी पोलिस उपनिरीक्षकाला बुडवून मारण्याचा प्रयत्न करण्यात आला आहे. तिसगाव नाका परिसरात गणपती विसर्जन सुरु असताना रात्री 9 ते 10 दरम्यान हा प्रकार घडला आहे. नितीन डगळे असं या पोलिस उपनिरिक्षकाचं नाव आहे. पोलिस उपनिरिक्षकाला बुडवून मारण्याचा प्रयत्न केल्याप्रकरणी जरीमरी मंडळाच्या चार जणांविरुद्ध गुन्हा दाखल झाला आहे. गेल्या काही दिवसांमध्ये पोलिसांवरील हल्ले वाढले आहेत. वाहतूक पोलिस कॉन्स्टेबल विलास शिंदे यांना मागच्याच आठवड्यात आपला जीव गमवावा लागला आहे. दरम्यान गेल्या आठवड्याभरात मुंबईमध्येच पोलिसांवर मोठ्या प्रमाणात हल्ले झाले आहेत. पोलिसांवरील हल्ल्यांच्या पार्श्वभूमीवर आज पोलिस कुटुंबीय शिवसेना पक्षप्रमुख उद्धव ठाकरे यांच्यासोबत मुख्यमंत्री देवेंद्र फडणवीस यांची भेट घेणार आहेत.   संबंधित बातम्या :

पुन्हा वर्दीवर हात, महिला वाहतूक पोलिसाला महिलेची मारहाण

मारहाणीत जखमी झालेले पोलीस शिपाई विलास शिंदेंचं निधन

मुंबई वाहतूक पोलिसाला दुचाकीस्वाराची धडक, कॉन्स्टेबल जखमी