परप्रांतीय मजुरांच्या प्रवासी शुल्कासाठी मुख्यमंत्री सहाय्यता निधीतून 54 कोटी 75 लाखांची मदत

परराज्यातील मजुरांच्या प्रवासी शुल्कासाठी मुख्यमंत्री सहाय्यता निधीतून 54 कोटी 75 लाख रुपयांचा निधी जिल्हाधिकाऱ्यांकडे वर्ग करण्यात आला आहे.

संग्रहित छायाचित्र

मुंबई : लॉकडाऊन कालावधीत परराज्यातील स्थलांतरीत मजुरांना त्यांच्या राज्यात पाठवण्यासाठी तसेच इतर राज्यात महाराष्ट्रातील स्थलांतरीत कामगार, मजुर अडकले आहेत. त्यांना पुन्हा राज्यात आणण्यासाठी अशा मजुरांच्या श्रमिक रेल्वे तिकिटाचे शुल्क मुख्यमंत्री सहाय्यता निधीतून भरण्यास मुख्यमंत्री उद्धव ठाकरे यांनी मान्यता दिली होती. त्यानुसार या 36 जिल्ह्यांना 54 कोटी 75 लाख 47 हजार 70 रुपयांचा निधी देण्यात आला आहे. तो संबंधित जिल्हाधिकाऱ्यांच्या खात्यात वर्ग करण्यात आला आहे. कोविड 19 च्या साथीमुळे लॉकडाऊन जाहीर झाले आणि महाराष्ट्रात इतर राज्यातील कामगार आणि मजुर अडकले. तसेच महाराष्ट्रातील कामगार आणि स्थलांतरीत मजुरही इतर राज्यांमध्ये अडकले आहेत. त्यांना या निर्णयाने मोठा दिलासा मिळेल. सचिव आपत्ती व्यवस्थापन व मदत व पुनर्वसन विभाग यांनी दिलेल्या जिल्हाधिकाऱ्यांच्या यादीप्रमाणे मुख्यमंत्री सहाय्यता निधीतील रकमांचे अर्थसहाय्य मंजूर करण्यात आले आहे. या निधीचा वापर केवळ ज्या कारणासाठी वितरित करण्यात आला आहे, त्यासाठीच करता येणार आहे हे ही स्पष्ट करण्यात आले आहे. जिल्ह्याना देण्यात आलेला निधी 1  मुंबई शहर         12,96,00,000 2  मुंबई उपनगर    10,00,00,000 3  ठाणे                  4,80,00,000 4  रायगड              2,50,00,000 5  रत्नागिरी            1,50,00,000 6  पालघर              3,00,00,000 7  सिंधुदूर्ग             1,00,00,000 8  नाशिक                40,00,000 9  धुळे                     25,00,000 10  नंदुरबार              25,00,000 11  जळगांव              20,00,000 12  अहमदनगर         20,00,000 13  पुणे                 8,00,00,000 14  सातारा                95,81,270 15  सांगली              30,00,000 16  सोलापूर              50,00,000 17  कोल्हापूर          1,25,91,400 18  औरंगाबाद           80,00,000 19  जालना              50,00,000 20  बीड                   30,00,000 21  परभणी              50,00,000 22  हिंगोली                 6,00,000 23  नांदेड             20,00,000 24  उस्मानाबाद       20,00,000 25  लातूर               60,00,000 26  अमरावती         30,00,000 27  अकोला           12,74,400 28  वाशिम            10,00,000 29  बुलढाणा         20,00,000 30  यवतमाळ         35,00,000 31  नागपूर         1,20,00,000 32  वर्धा                30,00,000 33  गोंदिया            25,00,000 34  भंडारा             24,00,000 35  चंद्रपूर             30,00,000 36  गडचिरोली      15,00,000  Subhash Desai | नवीन उद्योजकांच्या उभारीसाठी तात्काळ महापरवाना देणार : उद्योगमंत्री सुभाष देसाई