मध्य, पश्चिम आणि हार्बर मार्गावर आज मेगाब्लॉक

रविवारी प्रवास करू इच्छिणाऱ्यांचा पुन्हा एकदा खोळंबा होण्याची शक्यता आहे. मेगाब्लॉक दरम्यान पश्चिम रेल्वेवरील लोकल फेऱ्या पंधरा मिनिटे उशिराने धावतील.

मुंबई : मध्य, पश्चिम आणि हार्बर मार्गावर आज (रविवार)7 एप्रिल रोजी मेगाब्लॉक घेण्यात येत आहे. विविध कामांनिमित्त तिन्ही मार्गावर मेगाब्लॉक घेण्यात येणार आहे. त्यामुळे रविवारी प्रवास करू इच्छिणाऱ्यांचा पुन्हा एकदा खोळंबा होण्याची शक्यता आहे. मध्य रेल्वे मध्य रेल्वेवर आज मुलुंड ते माटूंगा दरम्यान अप धिम्या मार्गावर सकाळी 11.10 ते दुपारी 3.40 मिनिटांपर्यंत मेगाब्लॉक घेण्यात येणार आहे.  मेगाब्लॉक काळात मुलुंड ते माटुंगादरम्यान अप धिम्या मार्गावरील लोकल अप जलद मार्गावर वळवण्यात येणार आहे. मुलुंड, भांडुप, विक्रोळी, घाटकोपर, कुर्ला, सायन या सर्व स्थानकात लोकल थांबतील. पश्चिम रेल्वे पश्चिम मार्गावर माहीम ते गोरेगाव रेल्वे स्थानकादरम्यान दोन्ही दिशेकडील मार्गावर जम्बो ब्लॉक आहे. पश्चिम रेल्वेच्या हार्बर साईडला ब्लॉक आहे. सकाळी 11.00 ते दुपारी 4.00 वाजेपर्यंत हा ब्लॉक घेण्यात येणार आहे. यादरम्यान  पश्चिम रेल्वेवरील लोकल फेऱ्या पंधरा मिनिटे उशिराने धावतील. हार्बर रेल्वे हार्बर रेल्वेच्या छत्रपती शिवाजी महाराज टर्मिनस ते वाशी, बेलापूर, पनवेलदरम्यान अप आणि डाऊन दोन्ही मार्गावरील फेऱ्या रद्द करण्यात येणार आहे. सकाळी 11.10 ते दुपारी 3.40 वाजेपर्यंत हा मेगाब्लॉक घेण्यात येणार आहे. पनवेल ते वाशी व कुर्ला ते छत्रपती शिवाजी महाराज टर्मिनसदरम्यान विशेष लोकल फेऱ्या सोडण्यात येणार आहेत.