टेम्पोने 12 वर्षीय मुलाला चिरडले, रुग्णवाहिका दीड तासाने पोहोचली
वडिलांसोबत रस्त्याच्या कडेने जाणाऱ्या 12 वर्षीय मुलाला भरधाव टेम्पोने चिरडलं आहे. धक्कादायक बाब म्हणजे अपघातग्रस्त मुलाला नेण्यासाठी शासकीय रुग्णवाहिका तब्बद दीड तासाने पोहोचली.

भिवंडी : वडिलांसोबत रस्त्याच्या कडेने जाणाऱ्या 12 वर्षीय मुलाला भरधाव टेम्पोने चिरडलं आहे. भिवंडीच्या अवचितपाडा रोडवर हा अपघात झाला. धक्कादायक बाब म्हणजे अपघातग्रस्त मुलाला नेण्यासाठी शासकीय रुग्णवाहिका तब्बद दीड तासाने पोहोचली. तोपर्यंत मुलाचा मृतदेह रस्त्यावरच पडून होता.
वाहिद हसन सरदार असं अपघातात मृत्यू झालेल्या मुलाचं नाव आहे. वाहिदला नेण्यासाठी रुग्णवाहिका वेळेत न आल्याने नागरिकांना संताप व्यक्त केला. त्यामुळे परिसरात तणावाचे वातावरण निर्माण झाले होते.
भिवंडी शहरातील अवचितपाडा रोडवरुन आज सकाळी साडे दहाच्या दरम्यान वाहिद आपल्या वडिलांसोबत जात होता. त्याचवेळी भरधाव आलेल्या एका टेम्पोने वाहिदला धडक दिली आणि टेम्पो त्याच्या अंगावरून गेला. टेम्पो खाली आल्याने वाहिदचा जागीच मृत्यू झाला.
अपघातामुळे परिसरात मोठी वाहतूक कोंडी झाली होती. घटनेची माहिती मिळताच परिसरातील लोकांनी घटनास्थळी मोठी गर्दी केली होती. त्यानंतर पोलिसही तातडीने घटनास्थळी दाखल झाले आणि टेम्पो चालकाला ताब्यात घेतलं. टेम्पोचा ब्रेक फेल झाल्याने अपघात झाल्याचे टेम्पो चालकाने सांगितलं.
वाहिदचा मृतदेह शवविच्छेदनासाठी इंदिरा गांधी उपजिल्हा शासकीय रुग्णालयात नेण्यासाठी रुग्णवाहिका मागवली. मात्र रुग्णवाहिका दीड तासांनंतर घटनास्थळी पोहोचली आणि तोपर्यंत वाहिदचा मृतदेह तिथेच पडून होता.
Before You Go
Kurla Phoenix Mall Mumbai Crime News: पैसे मागितले, काही उर्दुमध्ये बोलत होते; कुर्ला तरुण-तरुणी मारहाण प्रकरणावर प्रत्यक्षदर्शी महिलेची धक्कादायक माहिती, VIDEO




















