Mumbai Water Cut : मुंबईत पुन्हा पाणीकपात, कोणत्या भागत कधी पाणीकपात?
मलबार हिल जलाशय पुनर्बांधणी संदर्भात तज्ज्ञ समिती सोमवार १८ डिसेंबर रोजी अंतर्गत पाहणी करणार असल्याने जलाशयाचा कप्पा रिक्त करणार, ए, सी, डी, जी उत्तर, जी दक्षिण विभागातील नागरिकांनी काटकसरीने पाणी वापरावेः बृहन्मुंबई महानगरपालिका प्रशासनाकडून आवाहन
BMC Water Cut : मुंबईमध्ये पाणीकपातीचा निर्णय घेण्यात आलाय. मलबार हिल जलाशयामधील कप्पा क्रमांक 1 ची अंतर्गत पाहणी करण्यात येणार आहे. 18 डिसेंबर रोजी सकाळी आठ ते 10 वाजेपर्यंत तज्ज्ञ समिती जलाशयाची अंतर्गत पाहणी करणार आहे. त्यासाठी कप्पा रिक्त केल्याने, मुंबई शहरातील पाणीपुरवठ्यावर परिणाम होणार आहे.
बृहन्मुंबई महानगरपालिकेतर्फे मलबार हिल जलाशयाच्या पुनर्बांधणीचे काम हाती घेण्यात आले आहे. त्याअनुषंगाने आय. आय. टी. पवईचे प्राध्यापक, स्थानिक तज्ज्ञ नागरिक, महानगरपालिका अधिकारी यांचा समावेश असलेली तज्ज्ञ समिती स्थापन करण्यात आली आहे. सध्याच्या प्रस्तावाचे पुनरावलोकन करुन या समितीने योग्य कार्यपद्धती सुचविणे अपेक्षित आहे. त्यामुळे तज्ज्ञ समितीमार्फत गुरूवार, दिनांक 18 डिसेंबर 2023 रोजी मलबार हिल जलाशयामधील कप्पा क्रमांक 1 ची अंतर्गत पाहणी करण्यात येणार आहे. या कारणाने जलाशयाचा कप्पा क्रमांक 1 रिक्त करणे आवश्यक आहे. सबब, त्यासाठी खालील भागांत पाणीपुरवठ्यामध्ये पाणीकपात करावी लागणार आहे.
‘ए’ विभाग-
मलबार हिल व आझाद मैदान जलाशयातून पाणीपुरवठा होणारे 'ए' विभागातील सर्व क्षेत्र - पाणीपुरवठ्यात १० टक्के कपात करण्यात येईल.
सी विभाग-
मलबार हिल व आझाद मैदान जलाशयातून पाणीपुरवठा होणारे 'सी' विभागातील सर्व क्षेत्र – पाणीपुरवठ्यात १० टक्के कपात करण्यात येईल.
डी विभाग-
मलबार हिल व आझाद मैदान जलाशयातून पाणीपुरवठा होणारे 'डी' विभागातील सर्व क्षेत्र - पाणीपुरवठ्यात १० टक्के कपात करण्यात येईल.
जी दक्षिण व जी उत्तर विभाग-
जी दक्षिण व जी उत्तर विभागातील थेट पाणीपुरवठा होणारे सर्व विभाग – पाणीपुरवठ्यात १० टक्के कपात करण्यात येईल.
प्रस्तावित कामामुळे सोमवार (दिनांक १८ डिसेंबर २०२३) वर नमूद केल्याप्रमाणे विभागात पाणीपुरवठा होईल, तसेच काही ठिकाणी पाण्याचा दाब कमी राहील. हया पाणीकपाती दरम्यान जलाशयातील पातळी लक्षात घेऊन आवश्यकता भासल्यास विभागवार पाण्याच्या वेळेत बदल करण्यात येईल.
सदर कालावधीत पाण्याळचा जपून वापर करावा आणि महानगरपालिकेला सहकार्य करावे, असे आवाहन बृहन्मुंबई महानगरपालिका प्रशासनामार्फत करण्यात येत आहे.
Before You Go
CJP Delhi : सीजेपीच्या दोन नेत्यांना न्यायालयीन कोठडी | Saurabh Das Ashutosh Ranka Judicial Custody
महत्त्वाच्या बातम्या
