Wardha HinganGhat Case : हिंगणघाट जळीतकांड प्रकरण; आरोपीच्या शिक्षेचा फैसला संध्याकाळी पाच वाजता
Wardha HinganGhat Case : हिंगणघाट जळीतकांड प्रकरण; आरोपीच्या शिक्षेचा फैसला संध्याकाळी पाच वाजता देण्यात आला आहे.
Wardha HinganGhat Case Update : हिंगणघाट जळीतकांड प्रकरणी दोषी विकेश नगराळेच्या शिक्षेचा निकाल आज संध्याकाळी पाच वाजता सुनावण्यात येणार आहे. आज न्यायालयात शिक्षेच्या प्रमाणाबद्दल युक्तीवाद झाला. सरकारी पक्षाच्या वतीनं शिक्षेच्या प्रमाणाबद्दल युक्तीवाद करताना फाशीच्या शिक्षेची मागणी केली. तर बचाव पक्षानं या प्रकरणी तपास नीट झालेला नसून दोषीला कमीत कमी शिक्षा द्यावी, अशी मागणी केली आहे. तसेच दोषी विकेश नगराळेचे आई वडील म्हातारे आहेत. तसेच त्याला एक लहान मुलगीही आहे. त्यामुळे त्याला कमीत कमी शिक्षा द्यावी, असा युक्तिवाद बचाव पक्षाच्या वतीनं करण्यात आला आहे. त्यामुळे न्यायालय काय शिक्षा सुनावणार याकडे संपूर्ण राज्याचं लक्ष लागलं आहे.
3 फेब्रुवारी 2020 रोजी आरोपी विकेश नगराळेनं एकतर्फी प्रेमातून शिक्षिकेला पेटवलं होतं. 10 फेब्रुवारीला तिचा मृत्यृ झाला होता. आज पीडितेचा दुसरा स्मृतिदिन आहे. या गुन्ह्यात दोषी ठरलेल्या विकेशला फाशीची शिक्षा व्हावी, अशी मागणी होत होती. या प्रकरणी 426 पानांचं दोषारोपपत्र, 64 सुनावणी, 29 साक्षीदारांची साक्ष नोंदवण्यात आली आहे. महत्वाचं म्हणजे, पीडित तरुणीच्या मृत्यूला 2 वर्ष पूर्ण होताना काल हा निकाल दिला जाणार होता. परंतु, आता दोषी विकेशच्या शिक्षेवर आज सुनावणी पार पडली. दरम्यान, प्रकरणाचं गांभीर्य लक्षात घेत सरकारनं विशेष सरकारी वकिल म्हणून उज्वल निकमांची नियुक्ती केली होती.
विशेष म्हणजे, 29 साक्षीदारांपैकी एकही साक्षीदार फितूर झालेला नाही. त्यामुळे आरोपीचा दोष सिद्ध करण्याइतपत भक्कम पुरावे असून ते सरकारी पक्षानं न्यायालयापुढे सादर केल्याचे दीपक वैद्य म्हणाले होते. अखेर न्यायालयानं पुराव्यांच्या आधारे विकेश नगराळेला दोषी सिद्ध केलं होतं.
3 फेब्रुवारी 2020 रोजी हिंगणघाट येथे दोषी विकेश नगराळेनं एकतर्फी प्रेमातून प्राध्यापिका तरुणीवर पेट्रोल टाकून पेटवलं होतं. यांत गंभीररित्या जखमी झालेल्या पीडित प्राध्यापिका तरुणीचा उपचारादरम्यान 10 फेब्रुवारी 2020 रोजी मृत्यू झाला होता. या जळीतकांड प्रकरणाच्या खटल्यासाठी विशेष सरकारी वकील म्हणून अॅड. उज्ज्वल निकम यांची नियुक्ती करण्यात आली होती. दोषी विकेश नगराळेविरोधात तब्बल 426 पानांचे दोषारोपपत्र हिंगणघाटच्या प्रथम श्रेणी न्यायालयात दाखल केलं होतं. या प्रकरणात आतापर्यंत 29 साक्षीदार तपासण्यात आले आहेत. आज पीडित प्राध्यापिकेचा द्वितीय स्मृतिदिन आहे.
महत्त्वाच्या इतर बातम्या :
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह | ABP Majha
महत्त्वाच्या बातम्या
ट्रेंडिंग न्यूज
