Vidhan Parishad Election : कोल्हापुरात सतेज पाटील यांच्या विरोधात कोण? भाजपचा उमेदवार कोण असणार?

Vidhan Parishad Election 2021 : सध्यातरी राज्यमंत्री सतेज पाटील यांच्यासमोर कोणतंही कडवं आव्हान दिसत नाही. महाविकास आघाडीचे विधान परिषदेचे उमेदवार म्हणून सतेज पाटील यांचं नाव नक्की झालं आहे.

Satej_Patil

कोल्हापूर : महाराष्ट्र राज्यातील विधान परिषदेच्या सहा जागांची निवडणूक जाहीर झाली आहेत. 10 डिसेंबर रोजी ही निवडणूक होणार असून मुंबईतील दोन जागासह कोल्हापूर, धुळे, नागपूर,अकोला विधान परिषद मतदारसंघासाठी निवडणूक होत आहे. त्यामुळे आजपासून विधान परिषद निवडणुकीची रणधुमाळी सुरू झाली असं म्हणायला काही हरकत नाही. कोल्हापूर विधानपरिषद मतदारसंघाचा विचार केला तर विद्यमान आमदार आणि राज्यमंत्री सतेज पाटील यांच्यासमोर उमेदवार कोण असा प्रश्न उपस्थित होतोय.

सध्यातरी राज्यमंत्री सतेज पाटील यांच्यासमोर कोणतंही कडवं आव्हान दिसत नाही. महाविकास आघाडीचे विधान परिषदेचे उमेदवार म्हणून सतेज पाटील यांचं नाव नक्की झालं आहे. गेल्या अनेक दिवसांपासून सतेज पाटील यांनी निवडणुकीची तयारी देखील केली आहे.

गेल्या निवडणुकीत महादेवराव महाडिकांचा पराभव

2015 ला काँग्रेसचे उमेदवार सतेज पाटील यांनी काँग्रेसचेच बंडखोर आणि भाजपच्या पाठींब्यावर निवडणूक लढवलेले महादेवराव महाडिक यांचा 63 मतांनी पराभव केला होता. पाटील यांना 220, तर महाडिक यांना 157 मते मिळाली होती.

जिल्ह्यातील स्थानिक स्वराज्य संस्थेवर महाविकास आघाडीची पकड मजबूत आहे. त्यामुळे सतेज पाटील यांच्या विरोधात भाजपकडून कोणता उमेदवार रिंगणात उतरणार अशा पद्धतीची चर्चा सुरू झाली आहे. सध्याच्या घडीला भाजपाकडून कोणत्याही उमेदवाराच्या नावाची चर्चा नाही. 

गेल्या विधानपरिषदेच्या निवडणुकीवेळी राज्यामध्ये शिवसेना-भाजप युतीचे सरकार होते. अशावेळी भाजप पुरस्कृत असणाऱ्या महादेवराव महाडिक यांचा सतेज पाटील यांनी पराभव केला होता. आता तर राज्यात महाविकास आघाडीचे सरकार आहे. त्यामुळे सतेज पाटील विधानपरिषदेची ही निवडणूक सहज जिंकतील अशा पद्धतीची चर्चा राजकीय वर्तुळात सुरू झाली आहे.

काही दिवसांपूर्वीच हसन मुश्रीफ यांनी विधान परिषदेच्या निवडणुकीवरून विरोधकांना टोला लगावला होता. सतेज पाटील यांच्या विरोधात लढण्यासाठी विरोधकांकडे उमेदवारच नाही, अशा पद्धतीची टिप्पणी मुश्रीफ यांनी केली होती. यावर चंद्रकांतदादा पाटील यांना विचारले असता मुश्रीफांनी दुसर्‍यांच्या घरामध्ये वाकून पाहून आहे अशा पद्धतीचा टोला लगावला होता. त्यामुळे भाजप सतेज पाटील यांच्याविरोधात नेमका कोणता चेहरा उभा करतात हे पहावे लागणार आहे.

कोल्हापूर जिल्ह्यातील सध्याचं पक्षीय बलाबल

जयसिंगपूर 27 जागा
शाहू आघाडी यद्रावकार गट -16
ताराराणी भाजप 11

इचलकरंजी 62
काँग्रेस 18
भाजप 14
राष्ट्रवादी 7
कारंडे गट 9
ताराराणी आघाडी आवडे गट 11
शिवसेना 1

शिरोळ 17
शाहू आघाडी (राष्ट्रवादी)10
भाजप 6
रिक्त-1

हुपरी 18
भाजप 7
ताराराणी गट(आवडे) 5
मनसे 2  
शिवसेना 2
अपक्ष 2

आजरा 17
भाजप 9
राष्ट्रवादी-काँग्रेस 6
अपक्ष 2

मलकापूर 17
जनसुराज्य-भाजप-9
राष्ट्रवादी-सेना 8

पन्हाळा 17
जनसुराज्य 12
स्थानिक आघाडी 5

मुरगुड 18
शिवसेना 15
राष्ट्रवादी 3

गडहिंग्लज 19
जनता दल 12
राष्ट्रवादी 6
शिवसेना 1

पेठ वडगाव 17
युवक क्रांती 13
यादव आघाडी 4

कागल 20
राष्ट्रवादी 9
भाजप 9
शिवसेना 2

चंदगड 17
भाजप 5
राष्ट्रवादी 2
काँग्रेस 6
शिवसेना 4

हातकणंगले 17
भाजप 5
शिवसेना 7
काँग्रेस 1
राष्ट्रवादी 1

महत्वाच्या बातम्या :