Buldhana News Update :  पतीला जीवे मारण्याची धमकी देत विवाहितेवर दोघांकडून बलात्कार करण्यात आला आहे. महिला दिनाच्या पूर्वसंध्येलाच बुलढाणा जिल्ह्यात ही घक्कादायक घटना घडली आहे. बुलढाणा ग्रामीण पोलीस ठाण्यात पीडित महिलेने दिलेल्या तक्रारीवरून अज्ञात संशयितांविरोधात गुन्हा दाखल करण्यात आला आहे. 


बुलढाणा येथील एक दाम्पत्य 6 मार्च रोजी धाड येथे जात होते. यादरम्यान, रात्री अकरा वाजण्याच्या  सुमारास चिखला परिसरात दोन अज्ञात संशयितांनी त्यांची दुचाकी अडवून पतीला मारहाण केली आणि जीवे मारण्याची धमकी देत महिलेवर अत्याचार केले, अशी तक्रार पीडित महिलेने 7 मार्च रोजी बुलढाणा ग्रामीण पोलीस ठाण्यात दिली आहे. या तक्रारीवरून अज्ञात दोन संशयितांविरोधात 376 सह विविध कलमान्वये गुन्हा दाखल करण्यात आला आहे.


पोलिसांनी याप्रकरणी आरोपींचा शोध घेण्यासाठी पथके रवाना केली असून,सहाय्यक पोलीस निरीक्षक सदानंद सोनकांबळे  अधिक तपास करत आहेत.  


दरम्यान, गेल्या काही दिवसांपूर्वी बुलढाणा जिल्ह्यातील लोणारमध्ये कैलास अश्रुबा इंगोले या 38 वर्षीय व्यक्तीची हत्या झाली होती. ही  हत्या अनैतिक संबधातून झाल्याची धक्कादायक माहिती नुकतीच समोर आली आहे. या प्रकरणी पोलिसांनी मृत व्यक्तीच्या पत्नीच्या प्रियकराला अटक केली असून पोलीस घटनेचा पुढील तपास करत आहेत. या घटनेने बुलढाणा जिल्ह्यात एकच खळबळ उडाली होती. कैलास यांच्या मृत्यूनंतर अकस्मित मृत्यूची नोंद करण्यात आली होती. परंतु, त्याच्या डोक्यात मारहाणीचा व्रण दिसल्याने पोलिसांनी या घटनेचा अधिक तपास केला. त्यानंतर ही धक्कादायक माहिती समोर आली आहे. 


महत्वाच्या बातम्या