एक्स्प्लोर

सोलापूर-तुळजापूर रस्त्यावर सिलेंडर वाहून नेणाऱ्या ट्रकला मोठी आग

सोलापूर-तुळजापूर मार्गावर तामलवाडी टोलनाक्याजवळ घरगुती गॅस टाक्या (सिलेंडर) वाहून नेणाऱ्या दोन ट्रकला भीषण आग लागली आहे. दोन ट्रकमध्ये मिळून 580 सिलेंडर्स आहेत. यापैकी 15 सिलेंडर्सचा स्फोट झाला आहे.

Written By : आफताब शेख, एबीपी माझा | Updated at : 12 Feb 2020 09:22 AM (IST)

Three vehicles carrying cylinder fire on Solapur-Tuljapur road सोलापूर-तुळजापूर रस्त्यावर सिलेंडर वाहून नेणाऱ्या ट्रकला मोठी आग

सोलापूर : सोलापुर-तुळजापूर महामार्गावर तामलवाडीजवळ एक गॅस सिलेंडर मालवाहू ट्रकमध्ये सिलेंडरचा स्फोट झाला. एका नंतर एक असे जवळपास 10 ते 12 सिलेंडरचा यामध्ये स्फोट झाले. तर 30 ते 35 सिलेंडरचे नुकसान या दुर्घटनेत झाले आहे. HP कंपनीचे घरघुती गॅस घेऊन हा ट्रक सोलापुरातून तुळजापूरकडे निघाला होता ज्यामध्ये 306 सिलेंडर होते. सुदैवाने या अपघातात कोणतीही जीवितहानी झाली नाही.

मात्र ट्रक पूर्णपणे जळून गेली आहे. हा स्फोट इतका भीषण होता की जवळपासच्या 2 किलोमीटर परिसरात आवाज घुमत होता. नजीकच्या ग्रामस्थांना पोलिसांनी तात्काळ दुसरीकडे स्थलांतर केलं. गावकर्‍यांनी स्थानिक पोलिसांना आणि अग्निशमन दलाला माहिती लवकर कळल्याने मोठी दुर्घटना टळली. मात्र घटनास्थळापासून अगदी 500 मीटर अंतरावर टोल प्लाझा आहे. या ठिकाणी अग्निशमन यंत्रणा असती तर इतका मोठा स्फोट ही झाला नसता असा आरोप स्थानिक ग्रामस्थांनी केला.

आगीची माहिती मिळताच सोलापूर आणि तुळजापूर अग्निशमन दलाचे अधिकारी, तुळजापूर आणि उस्मानाबाद विभागातील पोलीस अधिकारी, महामार्ग प्राधिकरणचे अधिकारी यांनी घटनास्थळी येत पाहणी केली. सुरक्षेच्या दृष्टीने सोलापूर तुळजापूर महामार्गाची वाहतूक जवळपास चार तास थांबवून ठेवण्यात आली होती. ज्यामुळे वाहनांच्या लांबच लांब रांगा ही लागल्याचे पाहायला मिळाले. दरम्यान ट्रकच्या कॅबिनमध्ये अज्ञात कारणावरून आगीच्या ठिणग्या येत होत्या.

त्यावेळी वाहनचालकाने तात्काळ गाडीला बाजूला घेत सिलेंडरमागे करण्याचा प्रयत्न केला. एका सिलेंडरला आग लागल्यानंतर चालकाने स्थानिक ग्रामस्थांच्या मदतीने ती आग विझवण्याचा ही प्रयत्न केला. वाहन चालकाच्या या प्रसंगवधनाणे मोठी हानी टळली. घटनास्थळापासून अगदी 500 मीटरच्या अंतरावर टोल नाका आहे, मात्र तिथे कोणतीच अग्निशमन यंत्रणा नसल्याचं समोर आलं आहे. लवकर अग्निशमन यंत्रणा उपलब्ध झाली असती तर इतका मोठा स्फोट झालाच नसता, असा आरोप स्थानिक ग्रामस्थांनी केला आहे. जवळपास साडेतीन तासानंतर सोलापूर-तुळजापूर महामार्गावरील वाहतूक सुरु झाली आहे.

About the author आफताब शेख, एबीपी माझा

आफताब शेख हे एबीपी माझा वृत्त वाहिनीत सिनिअर करस्पॉन्डट म्हणून कार्यरत आहेत. मागील 9 वर्षांपासून एबीपी माझाच्या माध्यमातून कार्यरत असून आपल्या संवेदनशील आणि निष्पक्ष पत्रकारितेने त्यांनी स्वतंत्र ओळख निर्माण केली आहे. 3 जुलै 2017 रोजी मुंबई येथील एबीपी माझाच्या मुख्य कार्यालयातून त्यांनी पत्रकारितेच्या प्रवासाला सुरुवात केली. फेब्रुवारी 2019 पासून ते सोलापूर येथे सिनिअर करस्पॉन्डन्ट म्हणून कार्यरत आहेत. सध्या ते सोलापूर श्रमिक पत्रकार संघाचे सरचिटणीस म्हणूनही जबाबदारी सांभाळत आहेत.

सोलापूरच्या राजकीय घडामोडींपासून सामाजिक, शैक्षणिक, प्रशासकीय, औद्योगिक, मनोरंजन, क्रीडा आणि व्यावसायिक क्षेत्रांतील महत्त्वाच्या विषयांना त्यांनी एबीपी माझाच्या माध्यमातून राज्यस्तरीय व्यासपीठ मिळवून दिले आहे. ‘कामगारांचे शहर‘ म्हणून ओळखल्या जाणाऱ्या सोलापूरमधील कामगारांचे प्रश्न, सर्वसामान्य नागरिकांच्या समस्या आणि उपेक्षित घटकांचा आवाज शासनदरबारी पोहोचवण्याचा त्यांचा सातत्यपूर्ण प्रयत्न राहिला आहे. बहुभाषिक आणि समृद्ध सांस्कृतिक वारसा लाभलेल्या सोलापूरचा इतिहास, परंपरा आणि वर्तमानही त्यांनी आपल्या वार्तांकनातून प्रभावीपणे मांडले आहे. कोरोना काळात कोविड वॉर्डमध्ये प्रत्यक्ष जाऊन रुग्णांच्या व्यथा आणि आरोग्य व्यवस्थेतील वास्तव समोर आणला तर महापूर-दुष्काळातील रिपोर्ट्समधून त्यांनी आपल्या संवेदनशील पत्रकारितेचा प्रत्यय दिला. सोलापूरसह मुंबई, पुणे, धाराशिव, लातूर, बीड, नांदेड आणि छत्रपती संभाजीनगर जिल्ह्यांतही त्यांनी वार्तांकन केले आहे.

त्यांनी सोलापूरच्या दयानंद कला व शास्त्र महाविद्यालयातून कला शाखेची पदवी, तर मुंबई विद्यापीठातून मास्टर ऑफ मास कम्युनिकेशन अँड जर्नलिझम ही पदव्युत्तर पदवी प्राप्त केली आहे. पत्रकारितेसोबतच सामाजिक कार्याचीही त्यांना विशेष आवड आहे. महाविद्यालयीन जीवनातील सामाजिक योगदानासाठी 2016 मध्ये तत्कालीन राष्ट्रपती प्रणव मुखर्जी यांच्या हस्ते त्यांना इंदिरा गांधी राष्ट्रीय सेवा योजना पुरस्काराने (Indira Gandhi NSS Award-2016) सन्मानित करण्यात आले. याशिवाय, पत्रकारितेतील योगदानासाठी त्यांना विविध संस्था आणि संघटनांकडून अनेक पुरस्कारांनी गौरविण्यात आले आहे.

Published at : 11 Feb 2020 08:42 PM (IST)

Tags :

Gas Cylinder Solapur-Tuljapur Fire Brigade