अहमदनगरच्या नेवासेमध्ये औरंगाबाद महामार्गावर भीषण अपघात, तिघांचा मृत्यू
जखमी प्रवाशांवर अहमदनगर येथील सिव्हिल हॉस्पिटलमध्ये आणि नेवासे येथील ग्रामीण रुग्णालयात प्राथमिक उपचार सुरु आहेत. तर काही प्रवाशांवर नेवासे येथील ग्रामीण रूग्णालयात प्राथमिक उपचार करण्यात येत आहेत.
अहमदनगर : अहमदनगर जिल्ह्यातील नेवासे तालुक्यात औरंगाबाद महामार्गावर शनिवारी पहाटे ट्रक आणि खाजगी बसमध्ये भीषण अपघात झाला आहे. या अपघातात बुलढाण्यातील तिघांचा मृत्यू झाला आहे, तर 24 जण जखमी झाले आहेत.
औरंगाबाद-अहमदनगर महामार्गावरील नेवासे तालुक्यात कांगोणी फाट्याजवळ हा अपघात झाला. दुधाच्या टँकरला भरधाव वेगाने येणाऱ्या खाजगी बसने पाठीमागून जोराची धडक दिली. ही धडक इतकी भीषण होती की या धडकेत बसचा पुढील भागाचा चक्काचूर झाला. पहाटेच्या वेळी साखर झोपेत असलेल्या प्रवाशांना काही कळण्याच्या आत तिघांवर काळाने घाला घातला.
या अपघातात बसमध्ये प्रवास करणाऱ्या बुलढाण्याच्या तिघांचा जागीच मृत्यू झाला आहे, तर 24 प्रवाशी जखमी झाले आहेत. संजय सावळे, आकाश यांगड, कल्पेश व्यवहारे या तिघांचा अपघातात मृत्यू झाला आहे.
जखमी प्रवाशांवर अहमदनगर येथील सिव्हिल हॉस्पिटलमध्ये आणि नेवासे येथील ग्रामीण रुग्णालयात प्राथमिक उपचार सुरु आहेत. तर काही प्रवाशांवर नेवासे येथील ग्रामीण रूग्णालयात प्राथमिक उपचार करण्यात येत आहेत.
Before You Go
Operation Tiger Special Report : सचिन आलाय आता टीमही येईल, कडूंच्या वक्तव्याचा भाजपला राग
महत्त्वाच्या बातम्या
