ऑनलाईन शिक्षणासाठी मोबाईल नसल्यामुळे विद्यार्थिनीची आत्महत्या, नांदेडमधील हृदयद्रावक घटना

ऑनलाईन शिक्षणासाठी मोबाईल न घेऊन दिल्याने शिक्षण थांबेल, या नैराश्यातून या विद्यार्थिनीने हे टोकाचे पाऊल उचललं आहे. या दुर्दैवी घटनेमुळे परिसरात एकच खळबळ उडाली असून हळहळ व्यक्त केली जात आहे.

Nanded

नांदेड : सध्या कोरोनाच्या संकटात शिक्षण पद्धतीतही त्यानुसार बदल करण्यात आले आहेत. शाळा बंद असल्याने विद्यार्थी ऑनलाईन शिक्षणाचे धडे घेऊ लागले आहेत. मात्र मोबाईल, लॅपटॉप, इंटरनेट या महागड्या वस्तू सर्वांनाचा परवडत नाही. ऑनलाइन शिक्षणासाठी मोबाईल उपलब्ध न झाल्याने  नांदेड जिल्ह्यातील नायगाव येथील मजुराच्या 17 वर्षीय मुलीनं आत्महत्या केल्याची घटना समोर आली आहे. ऑनलाईन शिक्षणासाठी घरच्यांकडे मोबाइलची मागणी करूनही मोबाइल न मिळल्याने अकरावीत शिकणाऱ्या विद्यार्थिनीनं टोकाचं पाऊल उचललं आहे.

नायगाव शहरातील फुलेनगर  वसाहतीत राहणाऱ्या व अकरावीच्या वर्गात शिकणाऱ्या बिद्धशीला पोटफोडे हिने हे टोकाचे पाऊल उचललं आहे. दहाव्या वर्गातून उत्तीर्ण झालेल्या बुद्धशिलाने ऑनलाईन शिक्षणासाठी मोबाईल नसल्याकारणाने आपल्या राहत्या घरात गळफास घेऊन आत्महत्या केलीय. ऑनलाईन शिक्षणासाठी मोबाईल न घेऊन दिल्याने शिक्षण थांबेल, या नैराश्यातून या विद्यार्थिनीने हे टोकाचे पाऊल उचललं आहे. या दुर्दैवी घटनेमुळे परिसरात एकच खळबळ उडाली असून हळहळ व्यक्त केली जात आहे.

संबंधित घटना नायगाव शहरातील फुलेनगर येथील असून आत्महत्या केलेल्या विद्यार्थिनीचं नाव बुद्धशीला प्रकाश पोटफोडे आहे. बुद्धशीला सध्या  अकरावीला शिकत होती. तिला दहावीला 75 टक्के गुण मिळाले होते. त्यामुळे बारावीच्या परीक्षेतही चांगले गुण मिळवण्यासाठी तिला अभ्यासात मागं पडायचं नव्हतं. त्यामुळे तिनं आपल्या आई-वडिलांकडे मोबाईलची मागणी केली होती. घरच्यांनीही लवकरत मोबाईल घेऊन देण्याचं आश्वासन दिलं होतं. तोपर्यंत मुलीनं गळफास लावून आत्महत्या केली आहे.