... तर राज ठाकरेंना आम्ही मदत केली असती, पाहा राज यांच्या अयोध्या दौऱ्यासंदर्भात काय म्हणाले संजय राऊत 

मनसे (MNS) अध्यक्ष राज ठाकरे  यांचा अयोध्या दौरा अखेर स्थगित झाला आहे. यावर शिवसेना खासदार संजय राऊत यांनी प्रतिक्रिया दिली आहे.

Sanjay Raut on Raj Thackeray

Sanjay Raut on Raj Thackeray : पर्यावरणमंत्री आदित्य ठाकरे (Aaditya Thackeray) यांच्या 15 जूनच्या अयोध्या दौऱ्याची  (Ayodhya Tour) तयारी सुरु आहे. त्यांचा ठरल्याप्रमाणे दौरा होणार असल्याचे वक्तव्य शिवसेना खासदार संजय राऊत (Sanjay Raut) यांनी केलं. यावेळी संजय राऊत यांनी  मनसे अध्यक्ष राज ठाकरे (Raj Thackeray) यांच्या अयोध्या दौऱ्यावरही प्रतिक्रिया दिली. काही पक्षांचे देखील अयोध्येत कार्यक्रम होते. मात्र, त्यांनी ते रद्द केले. त्यांना जर काही सहकार्य हवे असते तर आम्ही केले असते असेही संजय राऊत म्हणाले. मात्र, राज ठाकरेंच्या दौऱ्याला भाजपने विरोध का केला, हे समजत नसल्याचे राऊत म्हणाले. 

गेल्या अनेक दिवसांपासून चर्चेत असलेला मनसे (MNS) अध्यक्ष राज ठाकरे  यांचा अयोध्या दौरा अखेर स्थगित झाला आहे. मनसे अध्यक्ष राज ठाकरे यांनी याबाबत ट्वीट करून माहिती दिली आहे. मात्र, पुण्यातील सभा होणार असून मनसैनिकांना उपस्थित राहण्याचे आवाहन राज यांनी ट्वीटमध्ये केले आहे. प्रकृतीच्या कारणामुळे 5 जूनला होणारा अयोध्या दौरा पुढे ढकलला जाऊ शकतो, अशी चर्चा सुरू होती. अखेर हा दौरा स्थगित करण्यात आला आहे. यावर राऊत यांनी प्रतिक्रिया दिली आहे. भाजपने राज ठाकरेंच्या बाबतीत असे हा केले समजत नाही. प्रत्येक वेळी भाजप राजकीय स्वार्थासाठी अशा खेळी करते. यातून काही लोकांना शहाणपण आले तर बर होईल. आपण वापरले जात आहोत हे काही लोकांना उशीरा समजले आहे. पण मला यामध्ये राजकारण करायचे नसल्याचे संजय राऊत म्हणाले.
 

आदित्य ठाकरे इस्कॉन मंदिरालाही भेट देणार

दरम्यान, ठरल्याप्रमाणे आदित्य ठाकरे यांचा अयोध्या दौरा होणार आहे. 15 जूनला आदित्य ठाकरे अयोध्येला जाणार आहेत. त्या पार्श्वभूमीवर आमची तयारी सुरु असल्याचे राऊत म्हणाले. तिथे ते इस्कॉन मंदिरालाही भेट देणार आहेत. त्यांना तसे निमंत्रण आले आहे. तसेच आदित्य ठाकरे तिथे काही प्रमुख लोकांना भेटणार असल्याचे राऊत यावेळी म्हणाले. दरम्यान, रामलल्लाच्या दर्शनाला कोणीही जाऊ शकते. हा आमचा धार्मिक कार्यक्रम असून राजकीय नाही. शिवसेना आणि अयोध्या यांचे एक भावनिक नातं आहे. मुख्यमंत्री उद्धव ठाकरे हेदेखील अयोध्या दौऱ्यावर गेले होते. राज्यात रामराज्य आणण्याचे प्रयत्न सुरु असल्याचे राऊत म्हणाले.

महत्वाच्या बातम्या: