Shivaji University Senate Election 2022 : शिवाजी विद्यापीठ अधिसभा निवडणूक; निकालाची उत्सुकता शिगेला
Shivaji University Senate Election 2022 : शिवाजी विद्यापीठ अधिसभेसाठी सोमवारी मतदान पार पडले. मात्र, प्रचारातील उत्साह मतदानात दिसून आला नाही. सरासरीच्या 40 टक्क्यांच्या आसपास मतदान झाले.
Shivaji University Senate Election 2022 : शिवाजी विद्यापीठ अधिसभेसाठी सोमवारी मतदान पार पडले. मात्र, प्रचारातील उत्साह मतदानात दिसून आला नाही. सरासरीच्या 40 टक्क्यांच्या आसपास मतदान झाले. आता उद्या होणाऱ्या मतमोजणीकडे सर्वांचे लक्ष लागले आहे. उद्या बुधवारी सकाळी 8 वाजता विद्यापीठातील परीक्षा भवन येथे मतमोजणी होऊन निकाल जाहीर होईल. 100 हून अधिक उमेदवारांचे भवितव्य मतपेटीत बंद आहे.
शिवाजी विद्यापीठ विकास आघाडी विरुद्ध शिव-शाहू आघाडीअंतर्गत शिवाजी विद्यापीठ (Shivaji University Senate Election 2022) शिक्षक संघ (सुटा), स्टुडंट्स फेडरेशन ऑफ इंडिया, युवा सेना (उद्धव बाळासाहेब ठाकरे गट), डेमोक्रॅटिक यूथ फेडरेशन ऑफ इंडिया निवडणुकीच्या रिंगणात आहेत. नोंदणीकृत पदवीधर गटात 36 हजार 343 मतदारांची नोंदणी झाली होती. त्या तुलनेत मतदान होईल, असा अंदाज होता. मात्र, गेल्या निवडणुकीप्रमाणेच या निवडणुकीतही मतदारांचा निरुत्साह जाणवला. निवडणूक निर्णय अधिकारी म्हणून प्रभारी कुलसचिव डॉ. व्ही. एन. शिंदे यांनी काम पाहिले.
नोंदणीकृत पदवीधरांच्या मतदान नोंदणीसाठी जोरदार मोहीम राबवण्यात आली होती. असे असूनही त्याचा अपेक्षित परिणाम दिसून आला नाही. 25 हजारांवर मतदार गेले कोठे असाच प्रश्न मतदानानंतर उपस्थित झाला. या मतदारांचे करायचे काय, अशी भावना कार्यकर्त्यांत दिसून आली. (Shivaji University Senate Election 2022)
शिवाजी विद्यापीठाच्या सिनेटसाठी विद्यापीठ कार्यक्षेत्रातील कोल्हापूर, सांगली व सातारा जिल्ह्यांतील 33 मतदान केंद्रांवर मतदान झाले. अधिसभा शिक्षक, विद्यापीठ शिक्षक, नोंदणीकृत पदवीधर, अभ्यास मंडळासाठी मतदान झाले. यंदा पदवीधरसाठी तीनपट जास्त नोंदणी होऊनही केवळ 30 टक्केच मतदान झाले. पदवीधरसाठी 36 हजार 343, तर शिक्षकसाठी 640 मतदार होते. अधिसभा (39), विद्यापरिषद (8), तर नऊ अभ्यास मंडळांच्या 27 जागांसाठी निवडणूक होत आहे. शिक्षक गट, विद्यापरिषद आणि अधिकार मंडळावरील वर्चस्वासाठी विकास आघाडी आणि शिवाजी विद्यापीठ शिक्षक संघ (सुटा) यांच्यात थेट लढत आहे.
कोल्हापूर शहरातील सायबर कॉलेज, कॉमर्स कॉलेज व श्री शहाजी कॉलेज या केंद्रांवर सकाळी नऊ वाजता मतदानास सुरुवात झाली. विद्यापीठ विकास आघाडी आणि शिव-शाहू आघाडीचे केंद्रांबाहेर बूथ लावण्यात आले होते. त्याठिकाणी मतदारांना त्यांचे मतदान कोणत्या कक्षात आहे, याची माहिती समर्थक देत होते. उमेदवार मतदान केंद्राबाहेर थांबून मतदारांना मतदानाचे आवाहन करत होते.
महत्त्वाच्या बातम्या
