Mangesh Kudalkar : शिवसेना आमदार मंगेश कुडाळकर यांच्या पत्नीची आत्महत्या
Mangesh Kudalkar : शिवसेनेचे आमदार मंगेश कुडाळकर यांच्या पत्नीने आत्महत्या केली आहे. रजनी कुडाळकर (वय, 42) असे त्यांचे नाव आहे.
Mangesh Kudalkar : शिवसेनेचे (Shiv sena) आमदार मंगेश कुडाळकर यांच्या पत्नीने आत्महत्या केली आहे. रजनी कुडाळकर (वय, 42) असे त्यांचे नाव आहे. मुंबईतील कुर्ला येथील नेहरू नगर येथे राहत्या घरी त्यांनी आत्महत्या केली आहे. मंगेश कुडाळकर हे कुर्ला विधानसभा मतदारसंघाचे शिवसेनेचे आमदार आहेत. त्यांच्या पत्नीने आज राहत्या घरी गळफास घेऊन आत्महत्या केली आहे.
मंगेश कुडालकर यांचा परिवार कुर्ल्यातील नेहरू नगर पोलीस ठाण्याच्या हद्दीत राहतो. मिळालेल्या माहितीनुसार रविवारी रात्री सव्वा नऊच्या सुमारास रजनी यांनी गळफास घेऊन आत्महत्या केली. घटनेची माहिती मिळताच नेहरू नगर पोलीस घटनास्थळी दाखल झाले असून ते पुढील तपास करत आहेत. पोलीस कुडाळकर यांच्या घरी गेले पोहोचले त्यावेळी त्यांना रजनी यांचा गळफास घेतलेला मृतदेह आढळला.
The body of Shiv Sena MLA Mangesh Kudalkar's wife Rajani was found hanging at her residence. Senior police officials present at the spot: Mumbai Police
— ANI (@ANI) April 17, 2022
नेहरू नगर पोलिसांनी मृतदेह ताब्यात घेऊन शवविच्छेदनासाठी राजावाडी रूग्णालयात पाठवला आहे. दरम्यान, या घटनेची माहिती मिळताच मोठ्या संख्यने शिवसैनिक मंगेश कुडाळकर यांच्या घराबाहेर जमा होण्यास सुरुवात झाली आहे. दरम्यान, रजनी यांच्या आत्महत्येमागील कारण अद्याप समोर येऊ शकलेलं नाही. परंतु, गेल्या काही दिवसांपूर्वी त्यांच्या मुलाचे निधन झाले होते. त्यामुळे त्यांना मुलाच्या निधनाचा धक्का बसला होता, अशी माहिती परिसरातून मिळत आहे.
महत्वाच्या बातम्या
- सध्या अंध भक्तांचा सुळसुळाट, मुख्यमंत्री ठाकरे यांचा भाजपवर निशाणा
- तुम्ही भाषण करा, आम्ही काम करतो...., सुप्रिया सुळेंचा राज ठाकरेंना सणसणीत टोला
- Satej Patil : कोल्हापुरात भाजपचा विखारी प्रचार, पैसे वाटले, काश्मीर फाईल तिकिटं दिली, 61 आमदार तळ ठोकून, सतेज पाटलांचा आरोप
महत्त्वाच्या बातम्या
ट्रेंडिंग न्यूज
